Live Updates

بھارت کی عدم دلچسپی، ویمنز ایمرجنگ ایشیا کپ کرکٹ ٹورنامنٹ خاموشی سے ملتوی کردیا گیا

بھارت کی عدم دلچسپی کی وجہ سے ٹورنامنٹ نہ ہو سکا، ایشین کرکٹ کونسل نے باقاعدہ اعلان نہیں کیا

ذیشان مہتاب پیر 2 جون 2025 11:54

بھارت کی عدم دلچسپی، ویمنز ایمرجنگ ایشیا کپ کرکٹ ٹورنامنٹ خاموشی سے ..

کولمبو (اردو پوائنٹ تازہ ترین اخبار۔ 2 جون 2025ء ) پاک بھارت کشیدگی کے باعث بھارت مسلسل پاکستان کو نقصان پہنچانے کی کوشش کر رہا ہے، اس سلسلے میں پہلی بڑی پیش رفت یہ ہوئی ہے کہ 3 جون سے سری لنکا میں ہونے والا ویمنز ایمرجنگ ایشیا کپ کرکٹ ٹورنامنٹ خاموشی سے ملتوی کردیا گیا ہے۔

اس سلسلے میں ایشین کرکٹ کونسل نے باضابطہ کوئی اعلان نہیں کیا ہے لیکن ذمے دار ذرائع کے مطابق بھارت کی عدم دلچسپی کی وجہ سے ٹورنامنٹ نہ ہو سکا۔

پاکستان کرکٹ بورڈ کے ایک اعلیٰ افسر سلمان نصیر نے گزشتہ ہفتے دبئی میں ایشین کرکٹ کونسل کے حکام سے ملاقات کی۔

یاد رہے کہ ایشین کرکٹ کونسل کے چیئرمین محسن نقوی ہیں۔

ذرائع کا کہنا تھا کہ ایشین کرکٹ کونسل کیلیے اب سب سے بڑا چیلنج ستمبر میں ایشیا کپ کروانا ہے، جس کا میزبان بھارت ہے۔

(جاری ہے)

پی سی بی کے ایک افسر کا کہنا تھا کہ اس بارے میں ایشین کرکٹ کونسل کا میڈیا ڈپارٹمنٹ وجہ بتائے گا لیکن اس موقع پر یہ ٹورنامنٹ نہیں ہوسکتا۔

واضح رہے کہ اس بارے میں اے سی سی نے ابھی تک کوئی میڈیا ریلیز جاری نہیں کی اور اے سی سی حکام اس بارے میں بات کرنے سے گریز کر رہے ہیں۔

آپریشن بنیان مرصوص سے متعلق تازہ ترین معلومات

Facebook Twitter Google + Share on Whatsapp

بھارت کی عدم دلچسپی، ویمنز ایمرجنگ ایشیا کپ کرکٹ ٹورنامنٹ خاموشی سے ملتوی کردیا گیا

بھارت کی عدم دلچسپی کی وجہ سے ٹورنامنٹ نہ ہو سکا، ایشین کرکٹ کونسل نے باقاعدہ اعلان نہیں کیا

متعلقہ عنوان :

مزید کھیلوں کی خبریں