پی سی بی نے وائٹ بال کے ٹاپ پرفارمرز کو طلب کرلیا

پی سی بی نے 22 کھلاڑیوں کو طلب کیا ، بابر اعظم، محمد رضوان اور شاہین شاہ آفریدی شامل ہیڈ کوچ مائیک ہیسن دیگر کوچز کے ہمراہ ٹاپ پرفارمر سے ملیں گے اور مستقبل کا لائحہ عمل دیں گے‘ذرائع

منگل 3 جون 2025 17:34

لاہور(اُردو پوائنٹ اخبارتازہ ترین - این این آئی۔ 03 جون2025ء)پاکستان کرکٹ بورڈ (پی سی بی) نے وائٹ بال کے ٹاپ پرفارمرز کو 3، 4 اور 5 جون کو لاہور طلب کرلیا ہے۔ہیڈ کوچ مائیک ہیسن دیگر کوچز کے ہمراہ ٹاپ پرفارمر سے ملیں گے اور مستقبل کا لائحہ عمل دیں گے۔ذرائع کے مطابق پی سی بی نے 22 کھلاڑیوں کو طلب کیا ہے، جن میں بابر اعظم، محمد رضوان اور شاہین شاہ آفریدی شامل ہیں۔

لاہور طلب کیے گئے تمام کھلاڑیوں نے پی ایس ایل سیزن 10 اور ڈومیسٹک کرکٹ میں عمدہ کارکردگی کا مظاہرہ کیا۔ذرائع کے مطابق تمام کھلاڑی 3 مختلف گروپس کی صورت میں مختصر کیمپ میں شرکت کریں گے، جہاں پی سی بی کھلاڑیوں کو آئندہ کے لائحہ عمل سے آگاہ کرے گا۔پی سی بی گروپس میں کھلاڑیوں کی فٹنس اور پرفارمنس کا جائزہ بھی لے گا، سینئر کھلاڑی تینوں گروپس کے مختلف ٹریننگ سیشنز میں شریک ہوں گے۔

(جاری ہے)

ذرائع کے مطابق ہیڈ کوچ مائیک ہیسن دیگر کوچز کے ہمراہ ٹاپ پرفارمر سے ملیں گے اور مستقبل کا لائحہ عمل دیں گے۔پی سی بی کے طلب کردہ کھلاڑیوں میں بابر اعظم، محمد رضوان، شاہین آفریدی، سعود شکیل، عثمان خان، شاہد عزیز، عباس آفریدی، سلمان مرزا، میر حمزہ، عبداللّٰہ شفیق، خواجہ نافع، حیدر علی، احمد دانیال، مہران ممتاز، خرم شہزاد، معاذ صداقت، محمد نواز، عامر جمال، نسیم شاہ، صفیان مقیم، علی رضا اور طیب طاہر شامل ہیں۔

Facebook Twitter Google + Share on Whatsapp

پی سی بی نے وائٹ بال کے ٹاپ پرفارمرز کو طلب کرلیا

متعلقہ عنوان :

مزید کھیلوں کی خبریں