Live Updates

پاکستان کے سفارتی مشن کے سربراہ بلاول بھٹو زرداری کی اقوام متحدہ کی جنرل اسمبلی کے صدر فِیلیمون یانگ سے ملاقات

بدھ 4 جون 2025 02:10

نیویارک (اُردو پوائنٹ اخبارتازہ ترین - اے پی پی۔ 04 جون2025ء) پاکستان کے سفارتی مشن کے سربراہ بلاول بھٹو زرداری نے پارلیمانی وفد کے ہمراہ اقوام متحدہ کی جنرل اسمبلی کے صدر فِیلیمون یانگ سے ملاقات کی اور انہیں بھارتی جارحیت اور منفی مہم سے آگاہ کیا۔

(جاری ہے)

منگل کو پی پی پی میڈیا سیل سے جاری کردہ بیان کے مطابق بلاول بھٹو نے کہا کہ عالمی برادری کو چاہیے کہ سندھ طاس معاہدے کی بحالی اور پاکستان اور بھارت کے درمیان جامع مکالمے کے آغاز کے لیے اپنا کردار ادا کرے، سندھ طاس معاہدے کو معطل کرنے کے سنگین انسانی نتائج سامنے آ سکتے ہیں، سندھ طاس معاہدے کی معطلی ایک خطرناک نظیر ہے جو پانی پر جنگوں کی راہ ہموار کرے گا۔

صدر، اقوام متحدہ جنرل اسمبلی فِیلیمون یانگ نے کہا کہ امن کا واحد راستہ مکالمہ اور سفارتکاری ہے، اقوام متحدہ کے چارٹر اور بین الاقوامی قانون کی پاسداری ضروری ہے۔