دورہ پاکستان اور آذربائیجان کے درمیان توانائی شعبے میں سرمایہ کاری کا تسلسل ہے ، علی پرویز ملک

آذربائیجان کی لیڈرشپ کی وزیر پیٹرولیم علی پرویز ملک سے ون آن ون ملاقاتیں پاک آذربائیجان سٹریٹیجک تعلقات کی عکاس ہیں، وفاقی وزیر

جمعرات 5 جون 2025 17:40

اسلام آباد (اُردو پوائنٹ اخبارتازہ ترین - این این آئی۔ 05 جون2025ء)وفاقی وزیرِ پیٹرولیم علی پرویز ملک نے کہا ہے کہ دورہ پاکستان اور آذربائیجان کے درمیان توانائی شعبے میں سرمایہ کاری کا تسلسل ہے ، آذربائیجان کی لیڈرشپ کی وزیر پیٹرولیم علی پرویز ملک سے ون آن ون ملاقاتیں پاک آذربائیجان سٹریٹیجک تعلقات کی عکاس ہیں۔ جاری اعلامیہ کے مطابق صدر آذربائیجان الہام علیوف نے وفاقی وزیر علی پرویز کو باکو آمد پر خوش آمدید کہا۔

اس موقع پر صدر آذربائیجان الہام علیوف نے کہا کہ لاچین میں پاک ترکیہ آذربائیجان سہہ فریقی اجلاس تینوں ممالک کے بھائی چارے اور یکجہتی کی علامت ہے۔ صدر آذر بائیجان نے کہاکہ پاکستان آذربائیجان کے مابین شاکت داری نئی منزلوں کو چھو رہی ہے، اس تعاون کو توانائی کے شعبے میں مزید بڑھائیں گے ۔

(جاری ہے)

علی پرویز ملک سے وزیراعظم آذربائیجان علی اسادوف نے بھی ملاقات کی،آذربائیجان پاکستان میں مختلف شعبوں میں دو ارب ڈالر کی سرمایہ کاری کرے گا،سرمایہ کاری کو یقینی بنانے کے لیے وفاقی وزیر علی پرویز ملک نے آذربائیجان کے وزیر توانائی پرویز شہبازوف اور وزیر خزانہ میکائیل جباروف سے اہم ملاقاتیں کی ،آذربائیجان سٹیٹ آئل کمپنی اور پی ایس او کے درمیان ایل این جی فریم ورک اگریمنٹ کو تین سال کے لیے بڑھانے کا معاہدہ طے پا چکا ہے، سوکار اور پی ایس او سنگاپور میں مشترکہ تجارتی کمپنی کی بنیاد بھی رکھ رہے ہیں ،وزیر علی پرویز ملک نے باکو انرجی ویک سے خطاب کیا اور عالمی توانائی کمپنیوں کے سربراہان سے میٹنگ کی،علی پرویز ملک کی ترکش پیٹرولیم کے سی ای او احمد ترکوگلو اور اماراتی کمپنی مبادلہ کے چیئرمین شیخ منصور سے توانائی شراکت داری پر بات چیت ہوئی۔