Live Updates

ْالیکشن کمیشن ،بلوچستان کی مخصوص نشستوں پر لوکل گورنمنٹ انتخابات کا شیڈول جاری کر دیا گیا

جمعرات 5 جون 2025 22:25

کوئٹہ(اُردو پوائنٹ اخبارتازہ ترین - این این آئی۔ 05 جون2025ء)الیکشن کمیشن آف پاکستان کے اعلامیہ کے مطابق بلوچستان میں لوکل کونسلز کی مخصوص نشستوں (خواتین، مزدور، کسان، غیر مسلم) کیانتخابات کیلئے الیکشن شیڈول جاری کردیا گیا ہے۔ جس کے مطابق ریٹرننگ آفیسران کی جانب سی23 جون 2025 کو پبلک نوٹس جاری کیا جائے گا۔اور 24 جون سے 27 جون تک امیدواروں کی جانب سے ریٹرننگ افسران کے پاس کاغذات نامزدگی جمع کرائے جائیں گیبعدازاں 28 جون کو نامزد امیدواروں کے ناموں کی اشاعت کی جائے گی۔

شیڈول کی مطابق 30 جون سے 2 جولائی 2025 تک کاغذات نامزدگی کی جانچ پڑتال کی جائے گی۔ اسی طرح 3 سے 8 جولائی تک ریٹرننگ افسران کے فیصلوں کے خلاف اپیلیں دائر کی جا سکیں گی۔ اور 9 جولائی سے 11 جولائی تک ریٹرننگ افسران کے فیصلوں کے خلاف ٹریبونل فیصلے کریں گے۔

(جاری ہے)

شیڈول کے تحت امیدواروں کی نظرثانی شدہ فہرست کی اشاعت 12 جولائی کو ہوگی۔جبکہ امیدوار 14 جولائی تک کاغذات نامزدگی واپس لے سکیں گے۔

جس کے بعد 15 جولائی کو امیدواروں کے نظرثانی شدہ فہرست کی اشاعت اور امیدواروں کو انتخابی نشانات کی الاٹمنٹ کی جائے گی۔ شیڈول کے مطابق 3 اگست 2025 پولنگ کا دن ہوگا۔اور رزلٹ کا اعلان 6 اگست 2025 کو کیا جائے گا۔ان انتخابات کیلئے تقر رشدہ افسران میں ڈپٹی کمشنرز، ایڈیشنل ڈپٹی کمشنرز، تحصیلدار، نائب تحصیلدار، اسسٹنٹ کمشنرز، اور محکمہ تعلیم و زراعت کے افسران شامل ہیں۔ تمام افسران بلوچستان کے متعلقہ اضلاع میں لوکل کونسلز کی مخصوص نشستوں (خواتین، مزدور، کسان، غیر مسلم) کیانتخابات کے انعقاد کو یقینی بنائیں گے۔ اور انتخابات کے دوران کسی بھی قسم کی قانون کی خلاف ورزی کرنے پر قانونی کارروائی عمل میں لائی جائے گی۔