Live Updates

کوہاٹ، سابق وفاقی وزیر و سینیٹر عباس آفریدی گیس لیکج دھماکہ سے زخموں کی تاب نہ لاتے ہوئے جاں بحق

عباس آفریدی کی نماز جنازہ بابری بانڈہ کوہاٹ میں ادا کی جائے گی، سینیٹر عباس آفریدی گزشتہ شام اپنے حجرے میں بیٹھے تھے کہ اچانک گیس لیکج کا دھماکا ہوا جس میں عباس آفریدی دیگر تین ساتھیوں سمیت زخمی ہوگئے تھے

فیصل علوی جمعہ 6 جون 2025 10:34

کوہاٹ، سابق وفاقی وزیر و سینیٹر عباس آفریدی گیس لیکج دھماکہ سے زخموں ..

کوہاٹ(اردوپوائنٹ اخبار تازہ ترین۔06 جون 2025)پاکستان مسلم لیگ (ن) کے سابق وفاقی وزیر سینیٹر عباس آفریدی گیس لیکج دھماکہ سے زخموں کی تاب نہ لاتے ہوئے جاں بحق ہوگئے،خاندانی ذرائع کا کہنا ہے کہ عباس آفریدی کی نماز جنازہ بابری بانڈہ کوہاٹ میں ادا کی جائے گی، سینیٹر عباس آفریدی گزشتہ شام اپنے حجرے میں بیٹھے تھے کہ اچانک گیس لیکج کا دھماکا ہوا جس میں عباس آفریدی دیگر تین ساتھیوں سمیت زخمی ہوگئے تھے۔

عباس آفریدی کھارہاں کے برن ہسپتال میں زیر علاج تھے۔ پولیس کے مطابق دھماکا گیس لیکج کی وجہ سے ہوا تاہم دھماکے کی نوعیت کا تعین کرنے کیلئے تحقیقات جاری ہیں۔ پولیس نے علاقے کو گھیرے میں لے کر مزید تفتیش شروع کر دی ہے۔عباس خان آفریدی سمیت تین افراد دھماکے میں زخمی ہوئے تھے ، باقی زخمیوں کی حالت بھی تشویشناک بتائی گئی تھی۔

(جاری ہے)

اس سے قبل ڈسٹرکٹ پولیس آفیسر ڈاکٹر زاہد اللہ نے تصدیق کی تھی کہ عباس آفریدی زخمی حالت میں ہسپتال منتقل کر دئیے گئے تھے اور زخمیوں کو فوری طور پر طبی امداد فراہم کی جا رہی تھی۔

خیال رہے کہ گزشتہ رات کوہاٹ میں دھماکہ ہواجس میں سابق سینیٹر عباس آفریدی شدید زخمی ہوگئے تھے جنہیںفوری طور پر ہسپتال منتقل کر دیا گیا تھا۔بتایا گیا تھا کہ خیبرپختونخواہ کے ضلع کوہاٹ میں سابق سینیٹر کے حجرے پر دھماکہ ہوا تھا۔ میڈیا رپورٹس کے مطابق کوہاٹ میں اعظم باغ کے علاقے کے قریب سابق سینیٹر عباس آفریدی حجرے میں دھماکے میں زخمی ہوگئے۔

دھماکے میں شدید زخمی ہو جانے والے عباس آفریدی کو زخمی حالت میں سی ایم ایچ کوہاٹ منتقل کر دیا گیا تھا۔ پولیس کے مطابق ابتدائی اطلاعات کے مطابق دھماکا گیس لیکیج کی وجہ سے ہوا تھا جس کے نتیجے میں عباس آفریدی اور دیگر 3 افراد زخمی ہوئے تھے۔ بم ڈسپوزل اسکواڈ کو طلب کر کے تصدیق کرنے کی کوشش کی جا رہی ہے کہ دھماکہ گیس لیکیج کی وجہ سے ہی ہوا یا کوئی اور وجہ تھی۔