جذبہ ایثار پیدا کرکے پاکستان کو خوش حال اور ترقی یافتہ ملک بنانے کا عہد کیا جائے ،گورنر گلگت بلتستان

ہفتہ 7 جون 2025 19:40

استور (اُردو پوائنٹ اخبارتازہ ترین - اے پی پی۔ 07 جون2025ء) گورنر گلگت بلتستان سید مہدی شاہ نے کہا ہے کہ عیدالاضحیٰ ہمیں ایثار و قربانی کی یاد دلاتی ہے ۔

(جاری ہے)

عید الاضحیٰ کے موقع پر اپنے پیغام میں انہوں نے کہا کہ عید قربان کے موقع پر یہ عہد کریں کہ جذبہ ایثار پیدا کرکے پاکستان کو خوش حال اور ترقی یافتہ ملک بنائیں ،ہمیں اس موقع پر بےسہارا اور غریب افراد کو نہیں بھولناچاہیے،اپنے گردونواح کے وہ لوگ جو حقدار ہیں محتاج ہیں ،بھوک اور افلاس سے دوچار ہیں ،ستم رسیدہ ہیں، مفلوک الحال ہیں انہیں ضرور یاد رکھا جائے ۔ انہوں نے کہا کہ اس موقع پر ملک و قوم کی سلامتی،ترقی اور خوشحالی کیلئے خصوصی دعائیں کی جائیں ۔