Live Updates

ا*سعودی عرب نے ہر مشکل وقت میں پاکستان کا ساتھ دیا ،سردار ایازصادق

ں*توقع ہے پاکستان اور سعودی عرب کے ساتھ تعلقات مزید مضبوط ہونگے، سپیکر قومی اسمبلی

پیر 9 جون 2025 16:20

‘اسلام آباد (اُردو پوائنٹ اخبارتازہ ترین - آن لائن۔ 09 جون2025ء)سپیکر قومی اسمبلی سردار ایاز صادق نے کہا ہے کہ سعودی عرب نے ہر مشکل وقت میں پاکستان کا ساتھ دیا ہے، توقع ہے پاکستان اور سعودی عرب کے ساتھ تعلقات مزید مضبوط ہونگے۔قومی اسمبلی سیکرٹریٹ سے جاری بیان کے مطابق سعودی ولی عہد شہزادہ محمد بن سلمان کی جانب سے حج بیت اللہ کیلئے آئے مسلم رہنماؤں کے اعزاز میں ظہرانہ دیا گیا۔

ظہرانے میں سپیکر قومی اسمبلی سردار ایاز صادق نے بھی شرکت کی۔

(جاری ہے)

اس موقع پر سپیکر قومی اسمبلی نے سعودی ولی عہد سے ملاقات کی۔سعودی ولی عہد نے عالم اسلام کو درپیش چیلنجز حل کرنے کے عزم کا اظہار کیا۔سپیکر قومی اسمبلی نے پاکستان کی مسلسل حمایت پر سعودی ولی عہد کا شکریہ ادا کیا۔سردار ایاز صادق نے کہا کہ سعودی عرب نے ہر مشکل وقت میں پاکستان کا ساتھ دیا ہے،سعودی قیادت کے پاکستان کے حوالے سے واضح موقف پر شکر گزار ہیں۔ انہوں نے کہا کہ پاکستان کے عوام خادم حرمین الشریفین کو قدر کی نگاہ سے دیکھتی ہے، توقع ہے پاکستان اور سعودی عرب کے ساتھ تعلقات مزید مضبوط ہونگے۔