ملین سمائل کا وادی نیلم میں میگا قربانی پروجیکٹ مکمل، بھارتی گولہ باری سے متاثرہ علاقوں میں 50 ہزار گھرانوں میں قربانی کا گوشت تقسیم

آٹھ مقام(اُردو پوائنٹ اخبارتازہ ترین - این این آئی۔ 11 جون2025ء) ملین سمائل کا وادی نیلم میں میگا قربانی پروجیکٹ مکمل، بھارتی گولہ باری سے متاثرہ علاقوں میں 50 ہزار گھرانوں میں قربانی کا گوشت تقسیم۔ پاک فوج اور ملک کی سلامتی کے اداروں سے مل کر متاثرین کی بحالی کے لئے کام کر رہے ہیں۔ قومی سماجی ارگنائزیشن ملین سمائل فاونڈیشن کے چیف ایگزیکٹو ذیشان افضل نے دورہ وادی نیلم کے دوران ضلعی ہیڈکواٹر آٹھمقام میں پریس کانفرنس کرتے ہوئے کہا کہ وادی نیلم کے عوام سے جس بہادری کے ساتھ پاک فوج کے شانہ بشانہ بھارت کے جارحانہ عزائم کو ناکام بنایا ہے اس کی کوئی مثال نہیں ملتی پاکستان اور ریاست جموں کشمیر کے عوام یک جان و قالب ہیں ۔

لائن آف کنٹرول کے مضافاتی علاقوں میں بھارتی فوج نے گولہ باری اوربلااشتعال فائرنگ کر کے سویلین املاک اور شہریوں کو نقصان پہنچایا لیکن عوام نے اپنی بہادر افواج کے شانہ بشانہ اپنے نقصان کی پروا کئے بغیر ساتھ کھڑے رہے۔

(جاری ہے)

ملین سمائل فائونڈیشن نے متاثرین کی بحالی اور متاثرہ علاقوں میں بحالی کے پروجیکٹس پر کام کر رہے ہیں۔ سرحدی اور دو ر افتادہ علاقوں میں بڑے پیمانے پر ریلیف اینڈریسکیو آپریشن جاری ہے۔

متاثرہ علاقوں میں عیدالضحیٰ پر میگا قربانیوں کا پروجیکٹ مکمل کر لیا گیا ہے۔150سے زائد مویشی گائے بیل ذبح کئے گئی50 ہزار نفوس تک قربانیوں کا گوشت پہنچایا گیا ہے۔ بیوہ گان یتیموں میں فوڈ پیکجز تقسیم کئے گئے ہیں۔ گولہ باری سے متاثرہ خاندانوں کے گھروں کی مرمت اور تعمیر کے لئے بھی پروجیکٹ پر کام ہورہا ہے۔ ملین سمائل فائونڈیشن نے ھارتی گولہ بھاری کی زد میں آنے والے تعلیمی اداروں کے ساتھ شیل پروف بنکرز شلٹرز بی تعمیر کروا ہی ہے۔

وادی نیلم میں تعلیم کے معیار کو بلند کرنے کے لئے اس وقت ملین سمائل فاونڈیشن نرسری سے انٹرمیڈیٹ تک6 ہزار سے زائد طلباء طالبات کو مفت معیاری تعلیم دے رہی ہے۔ بچوں کی کتابیں یونیفارم اساتذہ کی تنخوائیں ملین سمائل فاونڈیشن اللہ کی رضاکے لئے وادی نیلم کے عوام کو آگے لانے کے لئے اپنی سروسز دے رہے ہیں۔ جس طرح وادی نیلم کے عوام اپنی ملک کی سرحدوں کے دفاع کے لئے پاک فوج کے ساتھ کھڑے ہیں اس ہی طرح پاکستان کے عوام ملین سمائل فاونڈیشن اپنے بہن بھائیوں کے دکھوں کا مداوا کرنے کی کوشش کر رہی ہے ۔

کشمیر اور پاکستان کے عوام یک جان و قالب ہیں مسلح افواج پاکستان نے جنوبی ایشاء میں بھارتی بالادستی کا خواب چکنا چور کر کے پاکستان کی برتری کو منوایا ہے پوری قوم اپنی بہادر مسلح افواج پاکستان کو خراج تحسین پیش کرتے ہیں۔ پریس کانفرنس کے دوران راجہ دائود خان، ضیاء عظیم قریشی مشتاق خان بھی موجود تھے۔ راجہ دائود خان نے ملین سمائل کے ساتھ تعاون کرنے پر تمام سرکاری و غیر سرکاری اداروں کا شکریہ ادا کرتے ہوئے وادی نیلم میں بحالی کے پروجیکٹس کی تکمیل کا عزم ظاہر کیا ہے۔