Live Updates

تازہ ترین ٹی ٹونٹی رینکنگ میں پاکستانی باؤلرز کی ترقی

پاکستانی فاسٹ باؤلر حارث رؤف اور عباس آفریدی کی پوزیشنز میں بہتری آئی ہے

ذیشان مہتاب بدھ 11 جون 2025 15:23

تازہ ترین ٹی ٹونٹی رینکنگ میں پاکستانی باؤلرز کی ترقی

دبئی (اردو پوائنٹ تازہ ترین اخبار ۔ 11 جون 2025ء ) پاکستان کے باؤلرز نے حالیہ بین الاقوامی میچوں میں شاندار کارکردگی کی بدولت آئی سی سی کی تازہ ترین T20I رینکنگ میں نمایاں کامیابیاں حاصل کی ہیں۔

باؤلنگ رینکنگ میں پاکستان کے فاسٹ باؤلر حارث رؤف اور عباس آفریدی 605 ریٹنگ پوائنٹس کے ساتھ مشترکہ طور پر 18ویں پوزیشن پر آگئے ہیں۔

بائیں ہاتھ کے اسپیڈ اسٹار شاہین آفریدی بھی اب 552 پوائنٹس کے ساتھ 35 ویں نمبر پر آگئے ہیں۔

پاکستان کے T20I نائب کپتان شاداب خان رینکنگ میں اسپنر ابرار احمد کے ساتھ 476 پوائنٹس کے ساتھ 58ویں نمبر پر پہنچ گئے۔

تاہم نوجوان بولرز نسیم شاہ اور سفیان مقیم 407 اور 406 پوائنٹس کے ساتھ بالترتیب 92 ویں اور 95 ویں پوزیشن پر آ گئے ہیں۔

(جاری ہے)

نیوزی لینڈ کے جیکب ڈفی فی الحال T20I بولنگ چارٹ میں سرفہرست ہیں جبکہ انگلینڈ کے عادل رشید نے ہندوستان کے ورون چکرورتی کو تیسرے نمبر پر دھکیل کر دوسری پوزیشن حاصل کی ہے۔

ٹی ٹونٹی بیٹنگ رینکنگ میں پاکستان کی اسٹار جوڑی بابر اعظم اور محمد رضوان بالترتیب 12ویں اور 13ویں پوزیشن پر برقرار ہیں۔ وکٹ کیپر بلے باز محمد حارث بھی 30 ویں نمبر پر برقرار ہیں۔

تاہم ابھرتے ہوئے مڈل آرڈر بلے باز حسن نواز 46 ویں نمبر پر آ گئے ہیں جبکہ صائم ایوب 62 ویں نمبر پر آ گئے ہیں۔

پاکستان T20I کے کپتا سلمان علی آغا 2 درجے گر کر 430 ریٹنگ پوائنٹس کے ساتھ 76 ویں نمبر پر آ گئے ہیں اور فخر زمان ایک درجہ تنزلی کے ساتھ 87 ویں نمبر پر آ گئے ہیں۔

آسٹریلیا کے ٹریوس ہیڈ T20I بیٹنگ رینکنگ میں برتری برقرار رکھے ہوئے ہیں جس کے بعد ہندوستان کے ابھیشیک شرما دوسرے نمبر پر ہیں۔ انگلینڈ کے فل سالٹ چوتھے نمبر پر آگئے ہیں کیونکہ نوجوان ہندوستانی بلے باز تلک ورما تیسرے نمبر پر آگئے ہیں۔