محکمہ موسمیات کی ملک بھر میں شدید گرمی کی لہر جمعرات تک جاری رہنے کی پیشگوئی

بدھ 11 جون 2025 19:38

ٍاسلام آباد(اُردو پوائنٹ اخبارتازہ ترین - آن لائن۔ 11 جون2025ء)محکمہ موسمیات نے ملک بھر میں شدید گرمی کی لہر جمعرات تک جاری رہنے کی پیشگوئی کی ہے ۔محکمہ موسمیات کے مطابق بالائی علاقوں میں درجہ حرارت معمول سے 5 سے 7، جنوبی علاقوں میں 4 سے 6 ڈگری زیادہ رہنے کا امکان ہے۔

(جاری ہے)

بدھ کے روز ملک کے بیشتر علاقوں میں موسم شدید گرم اور خشک رہنے کی پیشگوئی کی گئی ہے بعداز دوپہر میدانی علاقوں میں تیز اور گرد آلود ہوائیں چلنے کا امکان ہے۔

بھکر میں 50 ڈگری کے ساتھ سب سے زیادہ درجہ حرارت ریکارڈکیا گیا۔ کئی شہرون میں 48اور49ڈگری درجہ حرارت رہا۔ عوام کو دن 11 بجے سے 4 بجے تک دھوپ سے بچنے اور زیادہ پانی پینے کی ہدایت کی گئی ہے ۔ خیبرپختونخوا کے بالائی اضلاع سوات، دیر، چترال میں ہلکی بارش کا امکان ہے جبکہ اسلام آباد، لاہور، پشاور، فیصل آباد، ملتان میں درجہ حرارت45سے 46ڈگری ریکارڈ کیا گیا۔