خطے میں ایک نئی جنگ کا آغاز بہت ہی خطرناک ہو سکتا ہے، سینیٹر شیری رحمن

جمعرات 12 جون 2025 20:52

اسلام آباد (اُردو پوائنٹ اخبارتازہ ترین - این این آئی۔ 12 جون2025ء)نائب صدر پیپلز پارٹی سینیٹر شیری رحمان نے ایران اسرائیل کشیدگی کے حوالے سے کہا ہے کہ خطے میں ایک نئی جنگ کا آغاز بہت ہی خطرناک ہو سکتا ہے۔

(جاری ہے)

اپنے بیان میں انہوںنے کہاکہ دوسری جنگ عظیم کے بعد اس وقت دنیا میں کئی چھوٹی، بڑی جنگیں چل رہی ہیں، جنگوں کے اثرات صرف ایک ملک تک نہیں اس سے دنیا کے تمام ممالک متاثر ہوتے ہیں۔ انہوںنے کہاکہ بالخصوص جنگوں کے دوران ترقی پذیر ممالک کے اہداف بری طرح متاثر ہوتے ہیں، دنیا مزید کسی جنگ کی متحمل نہیں ہو سکتی اثر و رسوخ رکھنے والے ممالک کو چاہیے کہ دنیا میں امن کو قائم کرنے کیلیے ہر ممکن کوشش کی جائے۔