Live Updates

ہم پاکستان اور بھارت کو اکھٹا کرینگے ،ان کی کشمیر پر طویل عرصہ سے دشمنی ہے، صدرٹرمپ

امریکی صدرٹرمپ کی ایک بار پھر کشمیر تنازعے پر پاکستان اور بھارت کے درمیان ثالثی کی پیشکش

جمعہ 13 جون 2025 12:52

ہم پاکستان اور بھارت کو اکھٹا کرینگے ،ان کی کشمیر پر طویل عرصہ سے دشمنی ..

واشنگٹن(اُردو پوائنٹ اخبارتازہ ترین - این این آئی۔ 13 جون2025ء)امریکی صدر ڈونلڈ ٹرمپ نے ایک بار پھر پاکستان اور بھارت کے درمیان مسئلہ کشمیر پر ثالثی کی پیشکش کر دی ہے۔

(جاری ہے)

کشمیر میڈیاسروس کے مطابق امریکی صدر نے گزشتہ روز ایک بل پر دستخط کرنے کی تقریب کے بعد سوالات کا جواب دیتے ہوئے کہا کہ انہوںنے پاکستان اور بھارت کے درمیان جنگ کو روکا ، دونوں ملک جوہری جنگ کی طرف بڑھنے والے تھے لیکن میں نے انہیں روکا ، میں نے دونوں ملکوں کے رہنمائوں کو فون کیا ، ان سے بات کی اور کہا کہ اگر آپ جنگ کریں گے تو ہمارے ساتھ تجارت نہیں کر سکیں گے ۔

صدر ٹرمپ نے مزید کہا کہ میں نے فون کالز اور تجارت کے ذریعے اس جنگ کو روکا ۔انہوںنے ایک سوال کے جواب میں کہا کہ ہم پاکستان اور بھارت کو اکھٹا کریں گے ، ان کی کشمیر پر طویل عرصے سے دشمنی ہے ، میں نے ان سے کہا کہ میں آپکا ثالث بنوں گا ۔