Live Updates

کوٹلی ،چیئرمین ضلع کونسل کی زیر صدارت اجلاس میں ترقیاتی منصوبوں کی منظوری دے دی گئی

پیر 16 جون 2025 18:07

کوٹلی (اُردو پوائنٹ اخبارتازہ ترین - اے پی پی۔ 16 جون2025ء) چیئرمین ضلع کونسل چوہدری عبدالغفور جاوید ایڈووکیٹ کی صدارت میں ڈسٹرکٹ کونسلرز کےاجلاس میں 104.400 ملین کے ترقیاتی منصوبوں کی منظوری دے دی گئی۔ اجلاس میں وائس چیئرمین سردار عمیر نعیم ، اپوزیشن لیڈر چوہدری شاہنواز یاسین اور چیف افسیر چوہدری محمد اسحاق نے تفصیلات پیش کیں اور منصوبہ جات کی منظوری لی۔

اجلاس میں پیپلز پارٹی ،ن لیگ و دیگر جماعتوں کے ڈسٹرکٹ کونسلرز نےشرکت کی ۔

(جاری ہے)

وزیراعظم آزاد کشمیر کی طرف سے دیئے گئےہر یونین کونسل میں 1.800ملین فنڈز کی منظوری دی گئی، چئیرمین ضلع کونسل عبد الغفور جاوید نے اس موقع پر گفتگو کرتے ہوئے کہا کہ حکومت کی جانب سے فراہم کئے جانے والے فنڈز کی منظوری ہو گئی ہے ۔چنددنوں تک ان کے چیک جاری ہو جائیں گے۔ انہوں نے ڈسٹرکٹ کونسلر کو فنڈ جاری کرنے پر وزیر اعظم چوہدری انوارالحق کا شکریہ ادا کیا ۔ڈسٹرکٹ کونسلر عبد القیوم قمر اور آفتاب پوتا نے اس موقع پر گفتگو کرتے ہوئے اسرائیل کی جانب سے ایران پر جارحیت کی شدید الفاظ میں مذمت کی ۔اجلاس میں غزہ فلسطین اور ایران میں اسرائیلی جارحیت کے خلاف شدید رد عمل اور مذمت کا اظہار کیا گیا۔\378