پنجاب کا بجٹ تاریخی اور ہر شعبے کی ترقی کا مظہر ہے‘عظمیٰ بخاری

وزیراعلی پنجاب بہت جلد صحافیوں کو الاٹمنٹ لیٹر جاری کریں گی‘وزیر اطلاعات

پیر 16 جون 2025 23:41

پنجاب کا بجٹ تاریخی اور ہر شعبے کی ترقی کا مظہر ہے‘عظمیٰ بخاری

لاہور (اُردو پوائنٹ اخبارتازہ ترین - این این آئی۔ 16 جون2025ء) وزیر اطلاعات پنجاب عظمیٰ بخاری نے کہا ہے کہ وزیراعلی پنجاب کی شکر گزار ہوں کہ صحافیوں کے لیے بجٹ میں جو تجاویز دی گئیں، وہ شامل کی گئیں،یہ بجٹ پنجاب کے تمام شعبوں خاص طور پر صحت، ٹرانسپورٹ، تعلیم اور سروس ڈیلیوری کی ترقی کو مدنظر رکھتے ہوئے ترتیب دیا گیا ہے۔پنجاب اسمبلی کے احاطے میں میڈیا سے گفتگو کرتے ہوئے عظمیٰ بخاری نے کہا کہ یہ بجٹ پنجاب کی تاریخ کا سب سے بہترین بجٹ ہے، جس میں عوامی فلاح و بہبود کو اولین ترجیح دی گئی ہے۔

انہوں نے اعلان کیا کہ جلد ہی وزیراعلی پنجاب صحافیوں کو الاٹمنٹ لیٹر جاری کریں گی اور تنخواہوں کی بروقت ادائیگی کو یقینی بنانے پر بھی کام ہو رہا ہے۔انہوں نے بتایا کہ صحت کے شعبے میں کادر فراہم کیا جائے گا تاکہ شہریوں کو ہر قسم کے علاج کی سہولت میسر آ سکے۔

(جاری ہے)

دیگر صوبے آج پنجاب کی ترقی کو مثال بنا کر پیش کرتے ہیں، اور یہ ہماری عوام دوست پالیسیوں کا نتیجہ ہے۔

انہوں نے فلم انڈسٹری کی بحالی کے لیے جاری اقدامات کا بھی ذکر کیا اور کہا کہ میڈیا اور صحافیوں کی فلاح کے لیے جو بھی ذمے داری مجھے سونپی جائے گی، میں اسے خلوص سے نبھاں گی۔عظمیٰ بخاری نے مزید کہا کہ پنجاب میں ترقی اور بھلائی کا سفر پوری رفتار سے جاری ہے، جہاں کم از کم اجرت کو 40ہزار روپے کر دیا گیا ہے۔پنجاب وہ واحد صوبہ ہے جو سب سے زیادہ تنخواہیں اور پنشن ادا کرتا ہے۔