اسرائیل پر ایسا حملہ کریں گے جو اسے پچھتانے پر مجبور کردے گا، مسعود پزشکیان

اسرائیلی حملوں کا اسی کی زبان میں جواب دیں گے، ہم دشمن کی جارحیت کا پوری قوت سے جواب دیں گے،ہم جنگ کو وسعت دینا نہیں چاہتے، ایرانی صدر کا بیان

فیصل علوی منگل 17 جون 2025 12:56

اسرائیل پر ایسا حملہ کریں گے جو اسے پچھتانے پر مجبور کردے گا، مسعود ..

تہران(اردوپوائنٹ اخبار تازہ ترین۔17جون 2025)ایرانی صدر مسعود پزیشکیان کا کہنا ہے کہ اسرائیل پر ایسا حملہ کریں گے جو اسے پچھتانے پر مجبور کردے گا،اسرائیلی حملوں کا اسی کی زبان میں جواب دیں گے،ہم دشمن کی جارحیت کا پوری قوت سے جواب دیں گے،ہم جنگ کو وسعت دینا نہیں چاہتے لیکن کسی بھی جارحیت کا جواب دیاجائیگا،اپنے ایک بیان میں ایرانی صدر نے کہا کہ ہر کمانڈر کے ہاتھ سے گرنے والا پرچم نیا کمانڈر اٹھائے گا اور میدان جنگ میں اترے گا۔

انہوں نے کہا کہ آج ترک صدر سے فون پر بات ہوئی،میں نے واضح کیا جنگ ہم نے شروع نہیں کی۔دوسری جانب ایرانی قومی سلامتی کونسل نے اپنے بیان میں کہا اسرائیل کیخلاف جوابی کارروائیوں پر پیشرفت کا جائزہ لیا ہے۔اسرائیلی جارحیت کے خلاف سخت حملے جاری رکھنے پر زور دیا ہے۔

(جاری ہے)

واضح رہے کہ گزشتہ روز بھی ایرانی صدرمسعود یزشکیان کا کہنا تھا کہ ایران کا ایٹمی ہتھیار بنانے کا کوئی ارادہ نہیں تھا۔

ایران جوہری توانائی اور تحقیق کے اپنے حق کا بھرپور انداز میں دفاع کرے گا۔ایٹمی ہتھیاروں کا حصول ہمارا مقصد نہیں تھا۔پرامن مقاصد کیلئے یورینیم کی افزودگی جاری رکھیں گے۔خبر رساں اداروں اے ایف پی اور رائٹرز کے مطابق ایران کے صدر مسعود پزشکیان نے پارلیمنٹ سے خطاب کرتے ہوئے قوم سے اپیل کی تھی کہ ہر اختلاف، مسئلے اور رکاوٹ کو آج پس پشت ڈال دینا چاہیے اور ہمیں اس نسل کش مجرمانہ جارحیت کے خلاف اتحاد اور یکجہتی کے ساتھ مضبوطی سے کھڑا ہونا ہوگا۔

ایرانی صدر نے یہ بات ایران کے سپریم لیڈر آیت اللہ علی خامنہ ای کے اس مذہبی فتوے کو دہراتے ہوئے کہی تھی جس میں وسیع پیمانے پر تباہی پھیلانے والے ہتھیاروں کی ممانعت کی گئی ہے۔ہمیں جوہری توانائی اور تحقیق کا حق حاصل ہے اور کوئی ہم سے یہ حق نہیں چھین سکتا۔انہوں نے عوام سے کہاتھا کہ صیہونی ریاست نے جنگ مسلط کردی تھی۔بحران کے دوران صبر سے کام لیں،ہم کسی پرغلبہ نہیں چاہتے،جارحیت کرنیوالوں میں سے نہیں تھے۔

انہوں نے یہ بھی کہا تھا کہ اسرائیل ایک ایک کرکے مسلمان ملکوں کو نشانہ بنارہا ہے۔اسرائیل کے ساتھ کھڑا ہونا امریکی غندہ گردی تھی۔اسرائیل طاقت کے زور سے ہمیں مٹا نہیں سکتا،ایک شہید ہوگا تو اس کی جگہ لینے کیلئے سو کھڑے ہونگے۔ ایران کا ایٹمی ہتھیار بنانے کا کوئی ارادہ نہیں، تاہم وہ جوہری توانائی اور تحقیق کے اپنے حق کا بھرپور انداز میں دفاع کرے گا۔