Live Updates

صدرزرداری سے شیری رحمان کی ایوان صدر میں ملاقات

بین الاقوامی سطح پر پاکستان کے مؤقف کے حق میں حمایت حاصل کرنے میں اہم کردار ادا کیا، سینٹر شیری رحمان

جمعرات 19 جون 2025 21:31

صدرزرداری سے شیری رحمان کی ایوان صدر میں ملاقات

اسلام آباد(اُردو پوائنٹ اخبارتازہ ترین - آن لائن۔ 19 جون2025ء)پاکستان پیپلز پارٹی پارلیمنٹرینز کی سینیٹ میں پارلیمانی لیڈر سینیٹر شیری رحمٰن نے ایوانِ صدر میں صدرِ مملکت آصف علی زرداری سے ملاقات کی۔ملاقات کے دوران جاری بجٹ اجلاس سے متعلق امور پر تبادلہ خیال کیا گیا۔ سینیٹر شیری رحمٰن نے صدرِ مملکت کو سینیٹ میں بجٹ پر ہونے والی بحث اور قانون سازی کے عمل میں پیپلز پارٹی کے مؤثر کردار سے آگاہ کیا۔

انہوں نے صدرِ مملکت کو حالیہ بھارت-پاکستان بحران کے دوران کوآلیشن جوائنٹ کمیٹی کی جانب سے کی گئی سفارتی کاوشوں سے آگاہ کیا۔

(جاری ہے)

سینیٹر شیری رحمان نے کہا کہ کمیٹی نے پاکستان کا امن پسند اور ذمہ دارانہ اسٹریٹجک مؤقف عالمی برادری کے سامنے پیش کیا،کمیٹی نے بین الاقوامی سطح پر پاکستان کے مؤقف کے حق میں حمایت حاصل کرنے میں اہم کردار ادا کیا، سینٹر شیری رحمان نے کہا کہ کمیٹی اور اس کے سربراہ بلاول بھٹو زرداری پر مکمل اعتماد اور بھرپور حمایت پر صدرِ مملکت اور وزیرِاعظم پاکستان کا شکریہ ادا کر تے ہیں۔

صدرِ مملکت نے کوآلیشن جوائنٹ کمیٹی کی فعال سفارتی کوششوں کو سراہا۔صدر مملکت نے عالمی سطح پر پاکستان کے مؤقف کو مؤثراندازمیں پیش کرنے پر ٹیم کی کاوشوں کی تعریف کی۔