ڈربی، فیلڈ مارشل آرمی چیف جنرل سید عاصم منیر کا دورہ امریکہ کامیابی سے ہمکنار ہو رہا، پرتپاک اور تاریخی استقبال کیا گیا ، رہنماء پیپلزپارٹی برطانیہ

جمعرات 19 جون 2025 20:00

ڈربی(اُردو پوائنٹ اخبارتازہ ترین - این این آئی۔ 19 جون2025ء)پاکستان پیپلزپارٹی برطانیہ کے رہنما راجہ شبیر احمد نے کہا ہے کہ فیلڈ مارشل آرمی چیف جنرل سید عاصم منیر کا دورہ امریکہ کامیابی سے ہمکنار ہو رہا ہے جنرل سید عاصم منیر کا دورہ امریکہ کے دوران پرتپاک اور تاریخی استقبال کیا گیا ان خیالات کا اظہار انھوں نے گذشتہ روز میڈیا سے گفتگو کرتے ہوئے کیا راجہ شبیر احمد نے آپریشن بنیان مرصوص / معرکہ حق‘‘ کے دوران مسلح افواج کی شاندار کارکردگی،ان کی بہادری اور پیشہ ورانہ صلاحیتوں کو بھرپور خراج تحسین پیش کیا۔

فیلڈ مارشل آرمی چیف جنرل سید عاصم منیر کی قیادت میں پاک فوج دنیا کی نمبر ون فوج بن چکی ہے جو دشمن کو زیر کرنا جانتی ہے مسلح افواج پاکستان نے بھارتی جارحیت کے دوران جس طرح بھارت کے دانت کٹھے کئے اور دندان شکن جواب دیا وہ تاریخ کا حصہ بن چکا ہے اب انڈیا جارحیت کرنے سے پہلے سو بار سوچے گا۔

(جاری ہے)

انھوں نے مزید کہا کہ مسلح افواج پاکستان ہماری ریڈ لائن ہے میری فوج میرا فخر ہے مجھے اپنی افواج سے بے پناہ پیار ہے ملک کے اندر ہر مشکل مرحلے میں مسلح افواج پاکستان کے نوجوانوں نے اپنی جانوں کا نذرانہ پیش کر کے ملک وقوم کی حفاظت کی انھوں نے مزید کہا کہ ہم کسی بھی ایسی ملک دشمن سازش کیخلاف اپنے اداروں کیساتھ ڈٹ کر کھڑے ہیں جو لوگ پاکستان کی سالمیت اور اس کے مفادات کو نقصان پہنچائیں گے ہم انہیں ہر صورت میں نیست و نابود کرینگے پاک فوج ہماری ریڈ لائن ہے۔

انھوں نے کہا کہ پاک فوج پاکستان کی بقا و سلامتی کی ضامن ہے اس ملک کا ایک قیمتی اثاثہ ہے پوری قوم کی پہلی ترجیح پاکستان ہے پاک افواج پاکستان اور ہماری محافظ ہے ان شاء اللہ ہماری پاک فوج فیلڈ مارشل آرمی چیف جنرل سید عاصم منیر کی قیادت میں دن دگنی رات چوگنی ترقی کرے گی۔