سینیٹ اراکین نے مالی سال 2025-26ء کے بجٹ کے حوالے سے بہتر تجاویز پیش کی ہیں، سینیٹر شبلی فراز

ہفتہ 21 جون 2025 14:32

اسلام آباد (اُردو پوائنٹ اخبارتازہ ترین - اے پی پی۔ 21 جون2025ء) پاکستان تحریک انصاف کے پارلیمانی لیڈر سینیٹر شبلی فراز نے کہا ہے کہ سینیٹ اراکین نے مالی سال 2025-26ء کے بجٹ کے حوالے سے بہتر تجاویز پیش کی ہیں، ان تجاویز پر سنجیدگی سے غور کر کے ان پر عملدرآمد کو یقینی بنایا جائے۔

(جاری ہے)

ہفتہ کو ایوان بالا کے اجلاس میں مالی سال 2025-26ء کے بجٹ پر بحث کرتے ہوئے انہوں نے کہا کہ بجٹ سیشن کے دوران سینیٹ کے مختلف ارکان کی جانب سے تعمیری تجاویز پیش کی گئیں۔

انہوں نے کہا کہ یہ تجاویز ریکارڈ پر آنی چاہئیں تاکہ شفافیت اور پارلیمانی عمل کی پاسداری ہو سکے۔ انہوں نے کہا کہ قرضوں پر انحصار ختم کرنا ہوگا اور ملک کے معاشی استحکام کے لیے ٹیکس نیٹ میں اضافہ کرنا ناگزیر ہے۔انہوں نے کہا کہ وقت آ چکا ہے کہ اصلاحات کی طرف بڑھا جائے ، معیشت کو مضبوط اور بجٹ سازی کے عمل کو سیاسی مفادات سے بالا تر رکھتے ہوئے قومی مفاد میں تشکیل دیا جائے