نوجوان افسران دیانت، پیشہ ورانہ مہارت اور حب الوطنی کو شعار بنائیں، فیلڈ مارشل سید عاصم منیر

اسلام آباد(اردوپوائنٹ اخبار تازہ ترین۔27جون 2025)آرمی چیف فیلڈ مارشل سیدعاصم منیر کا کہنا ہے کہ نوجوان افسران دیانت، پیشہ ورانہ مہارت اور حب الوطنی کو شعار بنائیں، سول بیوروکریسی کاریاستی نظم و نسق میں کلیدی کردار ہے، پاک فوج علاقائی امن واستحکام کی ضامن ہے،آئی ایس پی آر کے مطابق آرمی چیف فیلڈ مارشل عاصم منیر سے سے 52 ویں کامن ٹریننگ پروگرام کے افسران نے ملاقات کی ہے، آرمی چیف نے ادارہ جاتی ہم آہنگی اور قومی یکجہتی کے فروغ پر زور دیتے ہوئے قومی سلامتی، داخلی و خارجی چیلنجز پر تفصیلی گفتگو کی۔

52ویں کامن ٹریننگ پروگرام کے افسران نے کشمیر، خیبرپختونخوا،بلوچستان میں پاک فوج کی کارروائیوں کا مشاہدہ کیا۔فیلڈ مارشل سید عاصم منیر نے کہا کہ پاک فوج علاقائی امن واستحکام کی ضامن ہے، سول بیوروکریسی کاریاستی نظم ونسق میں کلیدی کردار ہے، نوجوان افسران دیانت، پیشہ ورانہ مہارت اور حب الوطنی کو شعار بنائیں۔

(جاری ہے)

آئی ایس پی آر کے مطابق فیلڈ مارشل نے ادارہ جاتی ہم آہنگی اور قومی یکجہتی کے فروغ پر زور دیا اور قومی سلامتی، داخلی و خارجی چیلنجز پر تفصیلی گفتگو کی گئی۔

یاد رہے کہ اس سے قبل بھی چیف آف آرمی سٹاف فیلڈ مارشل عاصم منیر کاکہنا تھا کہ شہدا کا خون ہماری قومی قوت کی بنیاد تھا۔ شہداء کے احسانات کا بدلہ کبھی نہیں چکا سکتے تھے۔ میجر سید معیز عباس شاہ نے دشمن کے خلاف دلیری سے لڑتے ہوئے جان کا نذرانہ پیش کیاتھا۔پاک فوج کے شعبہ تعلقات عامہ (آئی ایس پی آر) کی جانب سے جاری بیان میں بتایا گیا تھاکہ شہید میجر سید معیز عباس شاہ کی نماز جنازہ راولپنڈی میں ادا کر دی گئی تھی۔

نمازجنازہ میں شرکت کے بعد چیف آف آرمی سٹاف فیلڈ مارشل عاصم منیرنے شہید میجر سید معیز عباس شاہ کو خراج عقیدت پیش کرتے ہوئے کہا تھاکہ دشمن کی شدید مزاحمت کے باوجود بہادری سے لڑتے ہوئے جامِ شہادت نوش کیا اور فرض کی ادائیگی میں اپنی جان قربان کرکے بہادری، قربانی اور حب الوطنی کی اعلیٰ ترین روایات کو زندہ رکھا۔ ان کی یہ عظیم قربانی بہادری، ایثار اور حب الوطنی کی اعلیٰ ترین روایتوں کی مظہر تھی۔

پوری قوم غم اور فخر کے جذبات کے ساتھ متحد ہے اور وطن کے دفاع کیلئے ان کی حتمی قربانی کو سلام پیش کرتی تھی۔آئی ایس پی آر کے مطابق فیلڈ مارشل سید عاصم منیر نے گفتگو کرتے ہوئے مزید کہا تھاکہ ہم اپنے شہداء کے ہمیشہ کیلئے مقروض تھے۔ ہمارے شہداء کا لہو ہی ہماری قوم کی طاقت کی بنیاد تھی۔پوری قوم ان کی شہادت پر غمزدہ بھی ہے اور ان پر فخر بھی کرتی تھی۔

ہم اپنے شہدا کے احسانات کا بدلہ کبھی نہیں چکا سکتے تھے۔ ہمارے شہداء کا خون ہماری قومی قوت کی بنیاد تھی۔شہید میجر معیز عباس نے اپنی جان قربان کر کے اس عزم کو زندہ رکھا کہ پاکستان کے دشمن چاہے اندرونی ہوں یا بیرونی، ان کے ناپاک عزائم کو ناکام بنانے کیلئے ہماری افواج ہر دم تیار تھے۔ان کا کہنا تھا کہ پاک فوج اور پوری قوم اس بہادر سپوت کو سلام پیش کرتی تھی جنہوں نے ملک کی سلامتی پر اپنی جان نچھاور کر دی۔ شہید کی قربانی ہمیشہ یاد رکھی جائے گی۔