ایران اسرائیل جنگ میں ایران نئی اسلامی قوت بن کر سامنے آیا ہے‘ ڈاکٹر فردوس عاشق اعوان

جمعہ 27 جون 2025 20:56

اسلام آباد(اُردو پوائنٹ اخبارتازہ ترین - آن لائن۔ 27 جون2025ء)ایرانی سفیر ڈاکٹر رضا امیری سے سابق وفاقی وزیر ڈاکٹر فردوس عاشق اعوان کی ملاقات ہوئی۔مرکزی رہنما استحکام پاکستان پارٹی ڈاکٹر فردوس عاشق اعوان کی ایران ایمبیسی آمدہوئی ۔ڈاکٹر فردوس عاشق اعوان نے شہداء کے لئے فاتحہ خوانی اور بلندی درجات کے لئے دعا کی۔سابق وفاقی وزیر و رہنما آئی پی پی کی جانب سے ایرانی موقف کی بھر پور حمایت اورایران اسرائیل جنگ میں پاکستان کی جانب سے حمایت کا پارلیمنٹ میں اعتراف پر اظہار تشکر کیاگیا۔

رہنما آئی پی پی میجر (ریٹائرڈ) خرم حمید روکھڑی بھی موجودتھے۔شرکاء نے ایران سے بھر پور اظہار یکجہتی کیا۔ڈاکٹر فردوس عاشق اعوان نے کہا کہ ایران اسرائیل جنگ میں ایرانی نئی اسلامی قوت بن کر سامنے آیا ہے۔

(جاری ہے)

پاکستان کی جانب سے ایران کی حمایت کا ایرانی پارلیمنٹ میں اعتراف قابل تعریف ہے‘ فیلڈ مارشل حافظ سید عاصم منیر کی دور اندیش حکمت عملی سے جنگ کے خطرات ٹل گئے۔

ڈاکٹر فردوس عاشق نے کہا کہ ان کی کامیاب سفارت کاری اور کلیدی کردار سے دنیا ایک بڑی تباہی سے بچ گئی۔ پاک ایران دوستی خطے میں انتہائی مضبوط رشتے کا دوسرا نام ہے۔ ڈاکٹر فردوس عاشق اعوان نے کہا کہ پوری قوم شہدائے ایران کے بلند درجات کیلئے دعا گو ہے‘پاکستان آئندہ بھی ایران سمیت تمام اسلامی ممالک کی حمایت جاری رکھے گا۔