صدرِ مملکت کا بلوچستان میں دہشتگردوں کے خلاف کامیاب آپریشن پر سیکیورٹی فورسز کو خراجِ تحسین

پاکستان کی سیکیورٹی فورسز بھارتی سرپرستی میں ہونے والی دہشتگردی کو جڑ سے ختم کرنے کے لیے پٴْرعزم ہیں، آصف علی زر داری

اتوار 29 جون 2025 19:30

اسلام آباد (اُردو پوائنٹ اخبارتازہ ترین - این این آئی۔ 29 جون2025ء)صدرِ مملکت آصف علی زرداری نے بلوچستان کے ضلع دٴْکی میں دہشتگردوں کے خلاف کامیاب انٹیلیجنس بیسڈ آپریشن پر سیکیورٹی فورسز کو خراجِ تحسین پیش کرتے ہوئے کہا ہے کہ پاکستان کی سیکیورٹی فورسز بھارتی سرپرستی میں ہونے والی دہشتگردی کو جڑ سے ختم کرنے کے لیے پٴْرعزم ہیں۔

(جاری ہے)

اتوار کو ایوانِ صدر کے پریس ونگ سے جاری بیان میں صدر مملکت آصف علی زرداری نے بھارتی سرپرستی میں کام کرنے والے دو دہشتگردوں کو جہنم واصل کرنے پر سیکیورٹی فورسز کی بہادری کو سراہا۔

صدر مملکت نے کہا کہ سیکیورٹی فورسز کی پیشہ ورانہ مہارت، جرات اور قربانی پر پوری قوم کو فخر ہے، صدرِ مملکت نے کہا کہ پاکستانی قوم اپنی سیکیورٹی فورسز کے شانہ بشانہ کھڑی ہے۔ آصف علی زرداری نے کہا کہ پاکستان کی سیکیورٹی فورسز بھارتی سرپرستی میں ہونے والی دہشتگردی کو جڑ سے ختم کرنے کے لیے پٴْرعزم ہیں، صدرِ مملکت نے اعادہ کیا کہ دہشتگردی کے ناسور کے مکمل خاتمے تک ہماری جدوجہد جاری رہے گی۔