پاکستان پیپلز پارٹی آزاد کشمیر کے رہنماچوہدری ریاض کی رہائش گاہ پر پی پی پی رہنماؤں کا اجلاس،تنظیمی معاملات پر تبادلہ خیال کیا گیا

بدھ 2 جولائی 2025 16:27

اسلام آباد (اُردو پوائنٹ اخبارتازہ ترین - اے پی پی۔ 02 جولائی2025ء) پاکستان پیپلز پارٹی آزاد کشمیر کے رہنماچوہدری ریاض کی رہائش گاہ پر پارٹی رہنماؤں کا اجلاس منعقد ہوا جس میں گورنر خیبرپختونخوا فیصل کریم کنڈی ،سابق وزیر اعظم آزاد کشمیرسردار تنویر الیاس ، پیپلز پارٹی کے سینئر رہنما چوہدری ریاض ، ایم ایل اے آزاد کشمیر اسمبلی چوہدری علی شان سونی ، وزیر ٹرانسپورٹ آزاد کشمیر جاوید بٹ ، سردار احمد صغیر مشیر حکومت آزاد کشمیر ، ایم ایل اے رفیق نیئر اورسردار عمر تنویر بھی موجود تھے۔

(جاری ہے)

بدھ کو یہاں جاری بیان کے مطابق اجلاس میں پیپلز پارٹی کے تنظیمی معاملات اور آنے والے انتخابات میں آزاد کشمیر کی سیاسی صورتحال پر تبادلہ خیال کیا گیا۔ اجلاس میں پاکستان پیپلز پارٹی آزاد کشمیر کی فعالیت اور اہم شخصیات کی پارٹی میں شمولیت کے سلسلہ کو انتہائی خوش آئند قرار دیا گیا۔ اجلاس میں آزاد کشمیر میں آنے والے انتخابات کے حوالہ سے متعدد تجاویز پر بھی غور کیا گیا۔