سابق وزیر اعظم کاجیکب آباد سمیت متعدد اضلاع میں ڈاکوئوں کی سرکوبی کے لئے فیلڈ مارشل آرمی چیف سے فوجی آپریشن کا مطالبہ

پیر 7 جولائی 2025 23:05

جیکب آباد (اُردو پوائنٹ اخبارتازہ ترین - آن لائن۔ 07 جولائی2025ء)سابق وزیر اعظم کاجیکب آباد سمیت متعدد اضلاع میں ڈاکوئوں کی سرکوبی کے لئے آرمی چیف سے فوجی آپریشن کا مطالبہ تفصیلات کے مطابق سابق نگراں وزیر اعظم پاکستان محمد میاں سومرو کی جانب سے جیکب آباد سمیت متعد د اضلاع میں بڑھتی ہوئی ڈاکوئوں کی کاروائیوںکو روکنے کے لئے فوجی آپریشن کا مطالبہ کیا ہے انہوں نے فیلڈ مارشل آرمی چیف جنرل عاصم منیر سے مطالبہ کیا ہے کہ جیکب آباد ،کشمور ،شکارپور اور گھوٹکی میں بدامنی سے عوام عدم تحفظ کا شکار ہیں نہ شاہراہیں محفوظ ہیں نہ ہی گھر ،دن دیہاڑے ڈکیتی ،رہزنی،بھتہ خوری اور اغوا کی وارداتیں حد سے زیادہ بڑھ گئی ہیں جنکا واحد حل فوجی آپریشن ہے۔