وزیراعظم کو کمیٹی بنانے کا پورا آئینی اختیار حاصل ہی: اختیار ولی خان

خیبرپختونخوا کو دہشت گردی کیخلاف جنگ میں اربوں روپے ملے، سارا پیسہ اسلام آباد پر چڑھائی کیلئے استعمال کیا گیا

منگل 8 جولائی 2025 14:47

اسلام آباد(اُردو پوائنٹ اخبارتازہ ترین - این این آئی۔ 08 جولائی2025ء)وزیراعظم کے کوآرڈینیٹر اختیار ولی خان نے کہا کہ وزیراعظم کے پاس کمیٹی بنانے کا آئینی اختیار ہے۔

(جاری ہے)

وزیراعظم کے کوآرڈینیٹر اختیار ولی خان نے بیرسٹر گوہر کو جواب دیتے ہوئے کہا کہ وزیراعظم کو خیبر پختونخوا کے عوام کی مشکلات کا احساس ہے، خیبرپختونخوا کو دہشت گردی کیخلاف جنگ میں اربوں روپے ملے، سارا پیسہ اسلام آباد پر چڑھائی کیلئے استعمال کیا گیا۔

اختیار ولی خان کا کہنا تھا کہ خیبرپختونخوا حکومت دہشت گردی کیخلاف جنگ میں ملنے والے فنڈز کا حساب دے، کہتے ہیں قبائلی اضلاع کے وسائل پر گنڈا پور اور ان کے رشتہ داروں کا قبضہ ہے، عوام کا پیسہ یہ لوگ اپنی عیاشیوں پر خرچ کر رہے ہیں۔وزیراعظم کے کوآرڈینیٹر کا مزید کہنا تھا کہ صوبے کے فنڈز انتشاری سیاست کیلئے استعمال کئے جا رہے ہیں۔