جموں و کشمیر کے ضلع ادھمپور میں سڑک حاد ثہ ، ہریانہ کا یاتری زخمی

بدھ 9 جولائی 2025 15:24

جموں (اُردو پوائنٹ اخبارتازہ ترین - اے پی پی۔ 09 جولائی2025ء) بھارت کے زیر تسلط جموں وکشمیر کے ضلع ادھمپور میں ہندوامرناتھ یاترا کے قافلے کی گاڑی حادثے کا شکار ہونے کے سبب ایک یاتری زخمی ہو گیا۔کشمیر میڈیاسروس کے مطابق گاڑی ضلع ادھم پور کے علاقے چنانی نارسو میں سڑک کے ڈیوائیڈر سے ٹکر گئی۔

(جاری ہے)

حادثہ آج صبح سویرے پیش آیا ، گاڑی میں سوار یاتری پہلگام جا رہے تھے کہ ریاست ہریانہ کا رہائشی ششی کانت زخمی ہو گیا ۔ ذرائع ابلاغ کی اطلاعات میں کہا گیا ہے کہ ششی کانت گاڑی چلا رہا تھا، اس کے چار ساتھی یاتری بال بال بچ گئے۔ششی کانت کو ادھمپور ہسپتال میں داخل کیا گیا ہے۔ابتدائی تحقیقات سے پتہ چلا ہے کہ حادثہ ڈرائیور کی آنکھ لگنے کے سبب پیش آیا ، مزید تحقیقات جاری ہیں۔