بانڈی پورہ،بھارتی انتظامیہ نے کشمیری مسلمان کی جائیداد ضبط کر لی

جائیدار کی مالیت ساڑھے تین کروڑ 59لاکھ بتائی جارہی ہے

ہفتہ 12 جولائی 2025 15:59

سرینگر(اُردو پوائنٹ اخبارتازہ ترین - این این آئی۔ 12 جولائی2025ء)بھارت کے زیر قبضہ جموںوکشمیر میں بھارتی پولیس نے ضلع بانڈی پورہ میںکالے قانون ’’یو اے پی اے‘‘ کے تحت ایک اور کشمیری مسلمان کی جائیداد ضبط کر لی ہے۔

(جاری ہے)

کشمیر میڈیا سروس کے مطابق پولیس نے نئی دلی کے مسلط کردہ لیفٹیننٹ گورنر منوج سنہا کی سربراہی میں قائم انتظامیہ کے حکم پر ضلع کے علاقے پتو شاہی میں حاشر رفیق پرے نامی شہری کی 1کنال اور 18سے زائد اراضی اور 1رہائشی مکان ضبط کر لیا ہے ۔

جائیدار کی مالیت ساڑھے تین کروڑ 59لاکھ بتائی جارہی ہے۔یاد رہے کہ مودی حکومت نے اگست 2019میں مقبوضہ جموںوکشمیر کی خصوصی حیثیت کے خاتمے کے بعد کشمیری مسلمانوں کی زمینوں ، مکانوں اور دیگر املاک پر قبضے کا سلسلہ تیز کر دیا ہے جسکا مقصد انہیں معاشی طور پر مفلوک الحال بنانا اور ضبط شدہ جائیدادیں غیر کشمیری بھارتی ہندوئوں کو دیگر کو علاقے میں آبادی کے تناسب کو تبدل کرنا ہے۔