Live Updates

پنجاب کے شمال مشرقی علاقوں میں متعددمقامات پر تیزہوائوںو گرج چمک کے ساتھ بارش کا امکان

ہفتہ 12 جولائی 2025 17:40

لاہور (اُردو پوائنٹ اخبارتازہ ترین - اے پی پی۔ 12 جولائی2025ء) محکمہ موسمیات کی پیشگوئی کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجاب کے متعدد علا قوں منڈی بہائوالدین، گجرات، گوجرانوالہ، حافظ آباد، وزیر آباد،،شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ،ننکانہ صاحب، چنیوٹ، فیصل آباد، اوکاڑہ، قصور،خوشاب، سرگودھا، بھکر ، میانوالی، بہاولپور، بہاولنگر، ڈی جی خان، ملتان، خانیوال، لودھراں، مظفر گڑھ، راجن پور، رحیم یار خان، کوٹ ادو اور لیہ میں تیز ہوائوں/آندھی و گرج چمک کے ساتھ چند مقامات پر بارش کا امکان ہے تاہم صوبہ کے دیگر اضلاع میں موسم زیادہ تر گرم اور مرطوب رہنے کی توقع ہے۔

ترجمان محکمہ موسمیات کے مطابق گزشتہ چوبیس گھنٹوں کے دوران لا ہور، گجرات، گوجرانوالہ، حافظ آباد، سیالکوٹ ، تونسہ، کوٹ ادو اور ڈی جی خان میں تیز ہوائوں اور گرج چمک کے ساتھ چند مقامات پر بارش ہو ئی تاہم دیگر علاقوں میں موسم گرم اور مرطوب رہا ۔

(جاری ہے)

لاہور میں کم سے کم درجہ حرارت28 اور زیادہ سے زیادہ33سینٹی گریڈ ریکارڈ کیا گیا جبکہ ہوا میں نمی کا تناسب 65فیصدرہا۔لا ہور میں آلودگی کی مجموعی شرح 160فیصد رہی جبکہ شہر کے مختلف علاقوں یو ایم ٹی170، ایف ایف پاکستان194، ہا ئیکنگ اینڈ مو نٹینی187، ریو نیو سوسا ئٹی180، یو نیورسٹی آف سنٹر ل پنجاب173، ہونڈا گیٹ وے 171اور ڈی سی آفس پر170ایئر کوالٹی انڈیکس ریکارڈ کیا گیا۔