وفاقی وزیر سردار اویس احمد خان لغاری کاوزیراعظم پاکستان کے اعتماد اور ستائش پر اظہار تشکر

اتوار 13 جولائی 2025 00:50

اسلام آباد (اُردو پوائنٹ اخبارتازہ ترین - اے پی پی۔ 13 جولائی2025ء) وفاقی وزیر پاور ڈویژن سردار اویس احمد خان لغاری نے وزیراعظم پاکستان کے اعتماد اور ستائش پر اظہار تشکر کیا ہے۔

(جاری ہے)

ہفتہ کو ایکس پر اپنی پوسٹ میں وفاقی وزیر نے کہا کہ میں وزیراعظم محمد شہباز شریف کا شکرگزار ہوں ، وزیراعظم پاکستان کے مسلسل اعتماد اور ہماری ریفارمز کی کوششوں کی حمایت پر شکریہ ۔اویس لغاری نے کہا کہ وزیراعظم پاکستان کی حوصلہ افزائی پاور سیکٹر کے ریفارمز کیلئے انتہائی ضروری ہے ۔ وزیر اعظم پاکستان نے پاور ڈویژن میں ہونے والی اصلاحات کو دوسری وزراتوں کیلئے رول ماڈل قرار دیا ہے ، اویس لغاری نے کہا کہ وزیراعظم نے پاور سیکٹر کے نقصانات میں تاریخی 191ارب روپے کی کمی کو سراہا ہے۔