کراچی ایئرپورٹ پر غیر ملکی ایئر لائن کی غلطی کے باعث مسافر آف لوڈ

دو ایک جیسے نام کے مسافروں کی وجہ سے ایئر لائن کے عملے سے غلطی ہوئی، حکام کا موقف

اتوار 13 جولائی 2025 11:20

کراچی (اُردو پوائنٹ اخبارتازہ ترین - این این آئی۔ 13 جولائی2025ء)کراچی ایئرپورٹ پر غیر ملکی ایئر لائن کی غلطی کے باعث مسافر آف لوڈ کر دیا گیا۔پاکستان ایئرپورٹ ایوی ایشن (پی اے ای) حکام کے مطابق نجی ایئر لائن کا مسافر غلطی سے غیر ملکی ایئر لائن کے کاؤنٹر پر چلا گیا۔حکام کا کہنا ہے کہ غیر ملکی ایئر لائن نے مسافر کا ٹکٹ دیکھے بغیر بورڈنگ کارڈ جاری کر دیا۔

(جاری ہے)

پی اے اے حکام کا کہنا ہے کہ دو ایک جیسے نام کے مسافروں کی وجہ سے ایئر لائن کے عملے سے غلطی ہوئی، مسافر کے آنے پر غیر ملکی ایئر لائن نے دوسرے مسافر سے بورڈنگ کارڈ لے کر اسے واپس بھیجا۔حکام نے بتایا کہ غیر ملکی ایئر لائن کی پرواز شارجہ جا رہی تھی، اس دوران نجی ایئر لائن نے بورڈنگ مکمل کر کیبند کر دی تھی، فلائٹ کلوز ہونے کی وجہ سے نجی ایئر لائن نے اپنے مسافر کو آف لوڈ کر دیا۔پی ایاے حکام کا کہنا ہے کہ مسافر مزدور تھا، اس کے پاس دوسرا ٹکٹ لینے کے پیسے بھی نہیں تھے، پاکستان ایئر پورٹ اتھارٹی نے معاملے کی تحقیقات شروع کر دیں۔حکام کے مطابق نجی ایئر لائن کا مسافر مزدور ہے، کراچی سے دبئی جارہا تھا۔