جنوبی وزیرستان کے 6 سالہ سفیان محسود کاکارنامہ، ایک اور عالمی ریکارڈ اپنے نام کرلیا

اتوار 13 جولائی 2025 19:40

جنوبی وزیرستان (اُردو پوائنٹ اخبارتازہ ترین - این این آئی۔ 13 جولائی2025ء)جنوبی وزیرستان سے تعلق رکھنے والے 6 سالہ مارشل آرٹسٹ سفیان محسود نے اپنی صلاحیتوں کا لوہا منواتے ہوئے ایک اور عالمی ریکارڈ اپنے نام کرلیا۔

(جاری ہے)

اس سے قبل گینیز ورلڈ ریکارڈز میں 30 سیکنڈ میں 30 اسٹیپ اپس کا ورلڈ ریکار ڈ بنایا گیا تھا تاہم پشاور کے کم عمر مارشل آرٹسٹ نے شاندار انداز میں 30 سیکنڈ میں 45 اسٹیپ اپس مکمل کیے اور گینیز ورلڈ ریکارڈز میں نیا ریکارڈ قائم کردیا۔سفیان محسود اس نئے ریکارڈ کے ساتھ اب 4 عالمی ریکارڈز کے حامل کم عمر پاکستانی مارشل آرٹسٹ بن چکے ہیں۔سفیان محسود اس سے قبل بھارت کے 2 گینیز ورلڈ ریکارڈز سمیت 3 ورلڈ ریکارڈز توڑ چکے ہیں۔