یہ کس کا ویژن ہے سر؟ اسلام آباد میں نصب نئی یادگار سوشل میڈیا پر بحث کا موضوع بن گئی

حکومت کی جانب سے اس عظیم یادگار کی تنصیب پر اچانک کام روک دیا گیا، میڈیا کوریج پر پابندی لگا دی گئی ہے اور وجہ بھی نہیں بتائی جارہی؛ صحافی نادر بلوچ کا دعویٰ

ساجد علی پیر 14 جولائی 2025 11:38

یہ کس کا ویژن ہے سر؟ اسلام آباد میں نصب نئی یادگار سوشل میڈیا پر بحث ..

اسلام آباد ( اُردو پوائنٹ اخبارتازہ ترین۔ 14 جولائی 2025ء ) وفاقی دارالحکوت اسلام آباد میں نصب کی جانے والی ایک نئی یادگار سوشل میڈیا پر بحث کا موضوع بن گئی۔ تفصیلات کے مطابق اسلام آباد انتظامیہ کی جانب سے حال ہی میں وفاقی دارالحکومت کے علاقہ مارگلہ ایونیو راؤنڈ اباؤٹ پر ایک نئی یادگار نصب کی گئی ہے جس کے بارے میں کہا جارہا ہے کہ اس سے شہر کی خوب صورتی میں اضافہ ہوگا، نئی تنصیب شدہ یادگار کا جائزہ لیں تو اس میں دو انسانی ہاتھ بلند ہوتے دکھائی دے رہے ہیں، گولڈن رنگ کے ان دونوں ہاتھوں میں سفید گیند نما کوئی چیز نظر آرہی ہے۔

اس یادگار کو نصب کیے جانے کے بعد سے یہ سوشل میڈیا پر بحث کا موضوع بنی ہوئی ہے، جس کے بارے میں صارفین کے دلچسپ اور سوالیہ تبصرے جاری ہیں، ایک صارف اور رضوان غلزئی نے پوچھا کہ ’یہ کس کا ویژن ہے سر؟‘۔

(جاری ہے)

یہ کس کا ویژن ہے سر؟ pic.twitter.com/Dr5JlavjMr
— Rizwan Ghilzai (Remembering Arshad Sharif) (@rizwanghilzai) July 13, 2025

اسی حوالے سے اینکر پرسن نادیہ مرزا کہتی ہیں کہ ’آج آفس آتے ہوئے یہ شاہکار دیکھا پر کچھ سمجھ نہ آیا، نہ ہی آنکھوں کو بھایا، یہ ہے کیا بھائی؟‘۔

آج آفس آتے ہوئے یہ شاہکار دیکھا پر کچھ سمجھ نا آیا نا ہی آنکھوں کو بھایا۔
یہ ہے کیا بھائی؟ pic.twitter.com/snCuH4XPoJ
— Nadia Mirza (@nadia_a_mirza) July 13, 2025

یادگار سے متعلق ایک صارف نے تبصرہ کیا کہ ’ہمارے کیپیٹل میں بننے والی اس نئی یادگار کا مطلب صرف یہی ہے کہ پاکستان کے ہاتھوں میں پاور ہے، یہ ہاتھ کٹ سکتے ہی لیکن جھک نہیں سکتے، یہ کسی کے آگے بھیک نہیں مانگ سکتے‘۔

ہمارے کیپیٹل میں بننے والی اِس نئی یادگار کا مطلب صرف یہی ہے کہ پاکستان کے ہاتھوں میں پاور ہے ۔یہ ہاتھ کٹ سکتے ہی لیکن جک نہیں سکتے ۔
یہ کسی کے آگے بھیگ نہیں مانگ سکتے . pic.twitter.com/MTySxuFy22
— 𝐒𝐚𝐫𝐢𝐲𝐚 𝐑𝐚𝐧𝐚 (@sariyarana) July 13, 2025

صحافی نادر بلوچ نے دعویٰ کیا ہے کہ ’حکومت کی جانب سے اس عظیم یادگار کی تنصیب پر اچانک کام روک دیا گیا ہے، میڈیا کوریج پر پابندی لگا دی گئی ہے اور وجہ بھی نہیں بتائی جارہی‘۔

حکومت کی جانب سے اس عظیم یادگار کی تنصیب پر اچانک کام روک دیا گیا ہے، میڈیا کوریج پر پابندی لگا دی گئی ہے۔ وجہ بھی نہیں بتائی جارہی۔۔😇 pic.twitter.com/tuqTvLL2JG
— Nadir Baloch (@BalochNadir5) July 13, 2025

اس پر ایک اور صارف نے کہا کہ ’موجودہ حکومت کی شاہکار یادگار ہے، اس کو جلد مکمل کرنی چاہیئے، میڈیا پر کوریج سے پابندی عجیب ہے ورنہ اس سٹیچو میں خوبصورت پیغام ہے جو آئندہ نسلوں کو منتقل کرنا ہوگا، اس میں یہی واضح ہو رہا ہے کہ دنیا ہماری ہاتھ میں ہے جو کہ کسی بھی قوم کی خواہش و ارمان ہوتی ہے‘۔

موجودہ حکومت کی شاہکار یادگار ہے اسکو جلد مکمل کرنی چاہیے۔ میڈیا پر کوریج سے پابندی عجیب ہے۔ ورنہ اس سٹیچو میں خوبصورت پیغام ہےجو آئندہ نسلوں کو منتقل کرنا ہوگا۔ اس میں یہی واضح ہو رہا ہے کہ دنیا ہماری ہاتھ میں ہے جو کہ کسی بھی قوم کی خواہش و ارمان ہوتی ہے۔ https://t.co/0GZk7EE27x
— Kazim Mesam (@MesamKazim) July 13, 2025

یاد گار سے متعلق ایک صارف نے سوال کیا کہ ’شہر اقتدار میں تنصیب شدہ اس یادگار سے کیا مراد ہے؟ کیا پاکستان جیسے ممالک میں یہ ترقی اور اقتدار حاصل کرنے کا راز تو نہیں؟‘۔

شہر اقتدار میں تنصیب شدہ اس یادگار سے کیا مراد ہے ؟
کیا پاکستان جیسے ممالک میں یہ ترقی اور اقتدار حاصل کرنے کا راز تو نہیں؟ pic.twitter.com/YHzAaFA2b6
— Junaid Cheema (@JunaidCheema435) July 13, 2025