Live Updates

پاک بھارت جنگ حالیہ دہائیوں کی شدید ترین فضائی لڑائی تھی ، فرانسیسی صدر

پیر 14 جولائی 2025 22:30

پیرس (اُردو پوائنٹ اخبارتازہ ترین - اے پی پی۔ 14 جولائی2025ء) فرانسیسی صدر ایمانوئل میکرون نے رواں سال مئی میں ہونے والی پاک بھارت جنگ کو حالیہ دہائیوں کی سب سے شدید فضائی لڑائی قرا دیاہے۔کشمیر میڈیاسروس کے مطابق صدر میکرون نے ملکی دفاعی اخراجات سے متعلق گفتگومیں پاکستان اور بھارت کے درمیان مئی میں ہونے والی جھڑپوں کا تذکرہ کیا اور اسے حالیہ دہائیوں کی سب سے شدید فضائی لڑائی قرار دیا۔

(جاری ہے)

انہوں نے کہا کہ گزشتہ چند ماہ میں عالمی سطح پر مختلف جنگوں اور تنازعات کے پھیلائومیں اضافہ ہوا ہے ، جن میں ایران پر اسرائیلی بمباری، بھارت اور پاکستان کے درمیان فضائی جھڑپیں اور یوکرین جنگ شامل ہیں۔صدر میکرون نے فرانس کے دفاعی اخراجات میں اضافے کا اعلان کیا۔انہوں نے 2030کے طے شدہ منصوبے سے تین سال قبل 2027تک دفاعی اخراجات دوگنا کرنے کا عزم ظاہر کیا۔2017میں فرانس کے فوجی بجٹ کا حجم 32ارب یورو تھا، جسے 2027تک 64 ارب یورو تک بڑھانے کا منصوبہ بنایا گیا ہے۔