w افغانیوں کی پاکستان میں سرگرمیاں غیر قانونی ہیں، وزیر دفاع

افغانوں نے پاکستان کی معیشت اور ٹرانسپورٹ پر قبضہ کر رکھا ہے، اب وقت آگیا ہے کہ افغانیوں کو اپنے وطن واپس جانا چاہیئے، خواجہ آصف

منگل 15 جولائی 2025 21:10

k اسلام آباد(اُردو پوائنٹ اخبارتازہ ترین - آن لائن۔ 15 جولائی2025ء)وفاقی وزیر دفاع خواجہ آصف نے کہا ہے کہ افغانیوں کی پاکستان میں سرگرمیاں غیر قانونی ہیں، افغانوں نے پاکستان کی معیشت اور ٹرانسپورٹ پر قبضہ کر رکھا ہے، اب وقت آگیا ہے کہ افغانیوں کو اپنے وطن واپس جانا چاہیئے، ایران نے گزشتہ ایک ماہ میں پاکستان کی نسبت مہاجرین کو 5 گنا زیادہ ڈی پورٹ کیا ہے۔

(جاری ہے)

افغان مہاجرین کے انخلا سے متعلق گفتگو کرتے ہوئے وفاقی وزیر دفاع خواجہ آصف نے کہا کہ افغانستان کا ایران کے ساتھ بارڈر ہماری سرحد سے مختلف ہے، ایران سے افغانیوں کی واپسی قدر مشکل ہے، پاک افغانستان کا بارڈر انہتائی طویل ہے جس سے مہاجرین آتے ہیں۔خواجہ آصف نے کہا کہ پاکستان میں افغانوں کی سرگرمیاں غیرقانونی ہیں، افغانوں نے معیشت، ٹرانسپورٹ پر قبضہ کررکھا ہے، جو افغانی قانونی طور پر پاکستان میں ہیں ان کی مہمان نوازی کرنی چاہیئے لیکن یہ یاد رکھنے کی ضرورت ہے کہ مہمان صرف دو چار دن کے لیے ہی ہوتا ہے، اب وقت آگیا ہے کہ افغانیوں کو اپنے وطن واپس جانا چاہیئے، ایران نے گزشتہ ایک ماہ میں پاکستان کی نسبت مہاجرین کو 5 گنا زیادہ ڈی پورٹ کیا ہے۔