26نومبر احتجاج کیس، غیر حاضر ملزمان کے وارنٹ گرفتاری جاری ملزمان میں چالان کی نقول تقسیم

عدالت نے پراسیکیوشن کو ہدایت دی کہ آئندہ سماعت پر واضح مؤقف پیش کیا جائے تاکہ کیس کو آگے بڑھایا جا سکے، اے ٹی سی عدالت کے جج طاہر عباس سپرا نے کیسز پر سماعت کی

فیصل علوی بدھ 16 جولائی 2025 16:55

26نومبر احتجاج کیس، غیر حاضر ملزمان کے وارنٹ گرفتاری جاری ملزمان میں ..

اسلام آباد(اردوپوائنٹ اخبار تازہ ترین۔16جولائی 2025)انسداد دہشت گردی عدالت میں 26 نومبر احتجاج کیس میں عدالت نے غیر حاضر ملزمان کے وارنٹ گرفتاری جاری کر دئیے، ملزمان میں چالان کی نقول تقسیم کر دی گئیں، انسداد دہشت گردی عدالت اسلام آباد میں بانی پی ٹی آئی سمیت دیگر رہنماؤں کیخلاف آزادی مارچ اور 26 نومبر احتجاج کیسز کی سماعت ہوئی۔ انسداد دہشت گردی عدالت کے جج طاہر عباس سپرا نے کیسز پر سماعت کی۔

پی ٹی آئی کی جانب سے سردار مصروف خان، مرتضیٰ طوری اور زاہد بشیر ڈار عدالت میں پیش ہوئے۔کیس میں پی ٹی آئی قیادت عبوری ضمانت پر ہے۔ آزادی مارچ 2022 کے تھانہ سنگجانی میں درج مقدمے کی سماعت بانی پی ٹی آئی کی عدم دستیابی کے باعث آگے نہ بڑھ سکی۔ عدالت نے وزارت قانون کو لکھے گئے خط کے جواب نہ آنے پر برہمی کا اظہار کرتے ہوئے کہا کہ یہ لیٹر یا فیصلہ لے آئیں اور اگلی تاریخ پر بتائیں کہ پراسیکیوشن کیا چاہتی ہے۔

(جاری ہے)

عدالت نے کہا کہ اگلی سماعت پر ملزمان پر فرد جرم عائد کی جائے گی بعد ازاں عدالت نے پراسیکیوشن کو ہدایت دی کہ آئندہ سماعت پر واضح مؤقف پیش کیا جائے تاکہ کیس کو آگے بڑھایا جا سکے جس کے بعد سماعت ملتوی کر دی گئی۔بعدازاں عدالت نے پراسیکیوشن کو ہدایت دی کہ آئندہ سماعت پر واضح مؤقف پیش کیا جائے تاکہ کیس کو آگے بڑھایا جا سکے اور ساتھ ہی کیس کی مزید سماعت 26 جولائی تک ملتوی کر دی گئی۔

یاد رہے کہ اس سے قبل بھی 26 نومبر احتجاج کیس سے متعلق مقدمات کی سماعت کے دوران عدالت نے پی ٹی آئی کے 2 غیر حاضر ملزمان کے وارنٹ گرفتاری جاری کر دیئے تھے۔انسداد دہشت گردی عدالت اسلام آباد میں 26 نومبر کے احتجاج کے حوالے سے پاکستان تحریک انصاف کے کارکنان کے خلاف درج مقدمات کی سماعت ہوئی تھی۔ کیس کی سماعت انسداد دہشت گردی عدالت کے جج طاہر عباس سپرا نے کی تھی۔عدالت نے آئندہ سماعت پر تمام ملزمان کی حاضری یقینی بنانے کی ہدایت کرتے ہوئے کیس کی مزید سماعت 15 جولائی تک ملتوی کر دی تھی۔ اگلی سماعت میں ملزمان کو چالان کی نقول تقسیم کی جائیں گی۔ پی ٹی آئی کارکنان کیخلاف تھانہ کراچی کمپنی میں مقدمہ درج کیا گیا تھا۔