سلمان اکرم راجہ کا تحریک تحفظ آئین پاکستان کے عہدیداران کا اعلان

تحریک تحفظ آئین پاکستان کے چیئرمین محمود اچکزئی ، علامہ راجہ ناصر عباس وائس چیئرمین ہوں گے

بدھ 16 جولائی 2025 21:55

اسلام آباد(اُردو پوائنٹ اخبارتازہ ترین - این این آئی۔ 16 جولائی2025ء)سلمان اکرم راجہ نے تحریکِ تحفظ آئین پاکستان کے عہدیداران کا اعلان کر دیا۔جاری بیان میں سلمان اکرم راجہ نے بتایا کہ تحریک تحفظ آئین پاکستان کے چیئرمین محمود اچکزئی اور علامہ راجہ ناصر عباس وائس چیئرمین ہوں گے۔

(جاری ہے)

انہوں نے بتایا کہ اسد قیصر سیکرٹری جنرل، صاحبزادہ حامد رضا سیکرٹری اطلاعات،اخونزادہ حسین یوسف زئی ترجمان ہوں گے۔سلمان اکرم راجہ کے مطابق مصطفی نواز کھوکھر اور اختر مینگل تحریک کے مرکزی کرداروں میں شامل ہیں۔انہوں نے بتایا کہ تحریک تحفظ آئین پاکستان میں کئی جماعتوں کے اہم رہنما شامل ہیں، یہ تحریک آئین کی بالادستی، عدلیہ و جمہوریت کے تحفظ کی جدوجہد کرے گی۔