کٹھوعہ،بھارتی فورسزنے تلاشی آپریشن شروع کردیا

جمعرات 17 جولائی 2025 16:39

جموں (اُردو پوائنٹ اخبارتازہ ترین - این این آئی۔ 17 جولائی2025ء)بھارت کے زیر قبضہ جموںوکشمیر میں بھارتی فورسز نے ضلع کٹھوعہ میں تلاشی آپریشن شروع کر دیا ۔کشمیرمیڈیاسروس کے مطابق بھارتی فورسز اہلکاروں نے ضلع کے ہیرا نگر سمیت مختلف علاقوں میں آپریشن شروع کیا ۔

(جاری ہے)

فوج کا کہنا ہے کہ علاقے میں آپریشن مشتبہ نقل وحرکت دیکھے جانے پر شروع کیا گیا۔آخری اطلاعات تک بھارتی فوج کی تلاشی کی کارروائی جاری تھی۔دریں اثنا، ضلع ادھمپور میں بھارتی پولیس اہلکاروں نے بٹل بالیاںلونڈانا روڈ پر ایک گاڑی کے ڈرائیور اور اسکے ساتھی کو گرفتار کر لیا ہے ۔پولیس نے ان سے 12.20 گرام ہیروئن برآمد کرنے کادعویٰ کیاہے۔