زرمبادلہ کے ذخائر میں 1 ہفتے کے دوران 2 کروڑ 30 لاکھ ڈالرز کا اضافہ

زرمبادلہ کے ذخائر کی مجموعی مالیت 19 ارب 95 کروڑ 71 لاکھ ڈالر کی سطح پر پہنچ گئی

جمعرات 17 جولائی 2025 22:05

کراچی(اُردو پوائنٹ اخبارتازہ ترین - این این آئی۔ 17 جولائی2025ء)اسٹیٹ بینک آف پاکستان کے مطابق زرمبادلہ کے ذخائر میں ایک ہفتے کے دوران دو کروڑ 30 لاکھ ڈالرز کا اضافہ ہوا ہے۔

(جاری ہے)

اسٹیٹ بینک کی جانب سے جاری 11 جولائی 2025 کے اعداد و شمار کے مطابق ایک ہفتے میں زرمبادلہ کے سرکاری ذخائر میں 2 کروڑ 30 لاکھ ڈالرز کا اضافہ ہوا۔جس کے مطابق زرمبادلہ کے سرکاری ذخائر کی مالیت 14 ارب 52 کروڑ 56 لاکھ ڈالر کی سطح پر آگئی اور مجموعی مالیت 19 ارب 95 کروڑ 71 لاکھ ڈالر کی سطح پر پہنچ گئی۔اعلامیے کے مطابق کمرشل بینکوں کے پاس 5 ارب 43 کروڑ 15 لاکھ ڈالر کے ذخائر موجود ہیں۔