Live Updates

بھارتی ریاست بہار میں آسمانی بجلی گرنے سے 33 افراد ہلاک اور درجنوں زخمی ہو گئے

مون سون طوفان کے دوران آسمانی بجلی گرنے کے و اقعات پیش آئے‘ہلاک ہونے والوں میں بڑی تعدادکسانو ں او رمزدوروں کی ہے. ریاستی حکام

میاں محمد ندیم جمعہ 18 جولائی 2025 14:32

بھارتی ریاست بہار میں آسمانی بجلی گرنے سے 33 افراد ہلاک اور درجنوں زخمی ..

دہلی(اردوپوائنٹ اخبارتازہ ترین-انٹرنیشنل پریس ایجنسی۔18 جولائی ۔2025 )بھارت کی مشرقی ریاست بہار میں مون سون طوفان کے دوران آسمانی بجلی گرنے کے و اقعات میں کم از کم 33 افراد ہلاک اور درجنوں زخمی ہو گئے ہیں بھارتی ذرائع ابلاغ کے مطابق ریاست بہار میں یہ ہلاکتیں بدھ اور جمعرات کے درمیان شدید طوفانوں کے دوران ہوئیں، ریاستی ڈیزاسٹر مینجمنٹ ڈیپارٹمنٹ کے بیان کے مطابق ہلاک ہونے والوں میں زیادہ تر کسان اور مزدور شامل ہیں جو کھلے آسمان تلے کام کر رہے تھے.

(جاری ہے)

محکمہ موسمیات نے ریاست کے کئی علاقوں میں مزید شدید بارش اور آسمانی بجلی گرنے کی پیش گوئی کی ہے ریاست بہار کے ڈیزاسٹر مینجمنٹ کے وزیر وجے کمار منڈل نے بتایا کہ خطرے سے دوچار اضلاع کے حکام کو ہدایت دی گئی ہے کہ وہ آسمانی بجلی سے متعلق الرٹ کے بعد احتیاطی تدابیر اختیار کرنے کے لیے عوام میں آگاہی پیدا کریں. ریاستی حکومت نے بجلی گرنے سے جاں بحق ہونے والے افراد کے لواحقین کے لیے 40 لاکھ روپے معاوضے کا اعلان کیا ہے ریاستی حکومت کے مطابق 2024 میں آسمانی بجلی گرنے سے کم از کم 243 افراد ہلاک ہوئے جبکہ اس سے پچھلے سال یہ تعداد 275 تھی بہار سمیت بھارت کے مشرقی حصے میں ہر سال مون سون کے دوران سیلاب کا شکار ہوتے ہیں، جن میں درجنوں افراد ہلاک اور لاکھوں نقل مکانی پر مجبور ہو جاتے ہیں.