Live Updates

کراچی کے شاپنگ سینٹر میں نامعلوم شخص کی اندھا دھند فائرنگ ، بھگدڑ مچ گئی

جھگڑے کی سی سی ٹی وی فوٹیج منظرعام پر آگئی ہے، فوٹیج میں ایک شخص کو ایک نوجوان پر حملہ کرتے ہوئے دیکھا جا سکتا ہے

جمعہ 18 جولائی 2025 16:38

کراچی کے شاپنگ سینٹر میں نامعلوم شخص کی اندھا دھند فائرنگ ، بھگدڑ مچ ..

کراچی(اُردو پوائنٹ اخبارتازہ ترین - این این آئی۔ 18 جولائی2025ء) شاپنگ سینٹر میں نوجوانوں کے درمیان جھگڑے کے دوران نامعلوم شخص کی اندھا دھند فائرنگ سے بھگڈر مچ گئی، جھگڑے کی سی سی ٹی وی فوٹیج سامنے آگئی ہے۔تفصیلات کے مطابق کراچی میں سر شاہ محمد سلیمان روڈ پر شاپنگ سینٹر میں نوجوانوں کے درمیان جھگڑا ہوا ، جھگڑے کے دوران نامعلوم شخص نے اندھا دھند فائرنگ کر دی۔

(جاری ہے)

جھگڑے کی سی سی ٹی وی فوٹیج منظرعام پر آگئی ہے، فوٹیج میں ایک شخص کو ایک نوجوان پر حملہ کرتے ہوئے دیکھا جا سکتا ہے۔نامعلوم شخص نے نوجوان کے چہرے پر مکے سے وار کیا جبکہ دونوں کے ساتھیوں نے ایک دوسرے پر لاتوں اور گھونسوں کی بارش کر دی۔جھگڑے کے دوران ایک شخص نے اسلحہ نکالا اور فائرنگ شروع کر دی۔۔ فائرنگ ہوتے ہی شاپنگ سینٹر میں بھگڈر مچ گئی۔پولیس کے مطابق جھگڑے میں ملوث تین افراد کو گرفتار کرکے اسلحہ بھی برآمد کرلیا ہے اور واقعہ کے حوالے سے مزید تفتیش کی جا رہی ہے۔