کوہستان میں میگا کرپشن اسکینڈل میں ملوث4افراد کو احتساب عدالت میں پیش کردیا گیا

اکاﺅنٹس آفیسر، 2 ٹھیکیداروں، سینئر آڈیٹر اور بینک منیجر کو احتساب عدالت میں پیش کیاگیا‘باقی ملزمان کو پیر کے روزعدالت میں پیش کیا جائے گا. نیب ذرائع

میاں محمد ندیم ہفتہ 19 جولائی 2025 14:10

کوہستان میں میگا کرپشن اسکینڈل میں ملوث4افراد کو احتساب عدالت میں پیش ..

پشاور(اردوپوائنٹ اخبارتازہ ترین-انٹرنیشنل پریس ایجنسی۔19 جولائی ۔2025 )خیبرپختونخوا کے ضلع کوہستان میں میگا کرپشن اسکینڈل میں مبینہ ملوث افراد کی گرفتاریوں میں اضافہ ہوگیاہے اسکینڈل میں مختلف محکموں کے گرفتار ملزمان کی تعداد 9 تک پہنچ گئی نجی ٹی وی کے مطابق کوہستان میگا کرپشن اسکینڈل میں گرفتار کیے گئے اکاﺅنٹس آفیسر، 2 ٹھیکیداروں، سینئر آڈیٹر اور بینک منیجر کو احتساب عدالت میں پیش کر دیا گیا، عدالت سے اسکینڈل میں گرفتار ملزمان کا ریمانڈ لیا جائے گا.

(جاری ہے)

نیب ذرائع کا کہنا ہے کہ 4 دیگر زیر حراست ملزمان کا ریمانڈ پیر کو مکمل ہوگا، کرپشن اسکینڈل میں مبینہ طور پر ملوث ملزمان کی گرفتاریوں میں اضافہ ہوا ہے، اب تک مختلف محکموں کے گرفتار ملزمان کی تعداد 9 تک جا پہنچی ہے. نیب ذرائع کے مطابق 5 ملزمان کو احتساب عدالت میں ریمانڈ حاصل کرنے کے لیے پیش کیا گیا، عدالت میں پیش کیے گئے ملزمان کا 7 روزہ ریمانڈ آج مکمل ہوا تھا، 4 دیگر زیرحراست ملزمان کا ریمانڈ پیر کے دن مکمل ہوگا یاد رہے کہ 26 جون 2025 کو رپورٹ میں بتایا گیا تھا کہ نیب نے کوہستان کرپشن اسکینڈل میں 5 ارب روپے کے مشکوک بینک اکاﺅنٹس منجمد کردیے، کئی جائیدادیں اور قیمتی گاڑیاں بھی تحویل میں لے لی تھیں کوہستان اسکینڈل کے ملزمان کے گھروں سے غیر ملکی کرنسی، 3 کلو سونا بھی برآمد کرلیا گیا تھا نیب نے کروڑوں روپے مالیت کی 77 قیمتی لگژری گاڑیاں تحویل میں لی تھیں.

رپورٹ کے مطابق اسلام آباد، راولپنڈی، ایبٹ آباد، مانسہرہ اور پشاور میں اربوں روپے مالیت کی 109 کمرشل پراپرٹیز سیل کی گئی تھیں نیب نے ملزمان کے 4 فارم ہاﺅسز، 12 کمرشل پلازے اور 2 کمرشل پلاٹس سیل کر دیے تھے، 30 گھر، 12 دکانیں، 25 فلیٹس، 175 کنال زرعی زمین اور دیگر اہم جائیدادیں بھی سیل کی گئی تھیںنیب کی جانب سے میگا کرپشن اسکینڈل میں مزید کارروائی کا سلسلہ بھی جاری ہے.