Live Updates

پاکستان کو ایک بار پھر سیلاب کی ہولناک صورتحال کا سامنا ہے، لاکھوں لوگ متاثر ہوئے،اسحاق ڈار

پیر 8 ستمبر 2025 18:18

اسلام آباد (اُردو پوائنٹ اخبارتازہ ترین - این این آئی۔ 08 ستمبر2025ء)نائب وزیر اعظم اسحاق ڈار نے کہا ہے کہ پاکستان کو ایک بار پھر سیلاب کی ہولناک صورتحال کا سامنا ہے، سیلاب سے لاکھوں لوگ متاثر ہوئے ہیں۔انٹر پارلیمانی اسپیکرز کانفرنس سے خطاب کرتے ہوئے انہوں نے کہا کہ پاکستان کا عالمی سطح پر کاربن کے اخراج میں ایک فیصد سے بھی کم حصہ ہے، ماحولیاتی انصاف کے لیے سب کو مل کر آواز اٹھانا ہو گی۔

(جاری ہے)

اسحاق ڈار نے کہا کہ امن، استحکام اور ترقی کا آپس میں گہرا تعلق ہے، پارلیمانی لیڈرز کے درمیان رابطوں اور تبادلوں کا فروغ وقت کا تقاضا ہے۔نائب وزیر اعظم نے کہا کہ پارلیمانی سفارتکاری مذاکرات باہمی احترام اور رابطوں کے فروغ میں اہم کردار ادا کرسکتی ہے، پائیدار علاقائی امن اور استحکام کے لیے مل کر کام کرنے کی ضرورت ہے۔انہوں نے کہا کہ کشمیر اور فلسطین جیسے غیر حل طلب تنازعات سے عالمی امن کو شدید خطرات ہیں۔ پاکستان نے ہمیشہ تنازعات کو پٴْرامن طریقے سے حل کرنے پر زور دیا۔