ذ*ون ڈے سیریز کا معاملہ‘ پی سی بی اور کرکٹ ویسٹ انڈیز کے درمیان ڈیڈ لاک

اتوار 20 جولائی 2025 18:15

لاہور(اُردو پوائنٹ اخبارتازہ ترین - آن لائن۔ 20 جولائی2025ء) پاکستان کرکٹ بورڈ(پی سی بی) اور کرکٹ ویسٹ انڈیز(سی ڈبلیو آئی) کے درمیان ڈیڈلاک سامنے آ گیا۔ذرائع کے مطابق پاک ویسٹ انڈیز ون ڈے سیریز منسوخ کئے جانے کا امکان ہے، آئی سی سی سالانہ کانفرنس کی سائیڈ لائنز پر پی سی بی اور سی ڈبلیو آئی حکام کے درمیان ملاقات میں بریک تھرو نہ ہوسکا۔

(جاری ہے)

پی سی بی ذرائع نے بتایا کہ ویسٹ انڈیز کرکٹ بورڈ ون ڈے سیریز کو ٹی 20میں نہ بدلنے کی ضد پر برقرار ہے، ٹی 20 ورلڈکپ اور ایشیا کپ کے باعث پی سی بی صرف ٹی 20سیریز کھیلنا چاہتا ہے۔علاوہ ازیں پی سی بی نے ویسٹ انڈیز کو ون ڈے سیریز کی جگہ دو اضافی ٹی ٹونٹی میچز کھیلنے کی درخواست کی تھی۔خیال رہے تین ون ڈے میچوں پر مشتمل سیریز رواں سال 8 سے 12 اگست تک شیڈول ہے۔