گ* مسلم لیگ (ن) کی حکومت کو کاروباری برادری کے تحفظات دور ہونے چاہئیں‘ اشرف بھٹی

اتوار 20 جولائی 2025 18:15

Gلاہور (اُردو پوائنٹ اخبارتازہ ترین - آن لائن۔ 20 جولائی2025ء) آل پاکستان انجمن تاجران کے مرکزی صدر اشرف بھٹی نے کہا ہے کہ بیورو کریسی کی بعض سو لو فلائٹ پالیسیاں سود مند ثابت ہونے کی بجائے نقصان کا باعث بن رہی ہیں ،حکومت اور معیشت میں حصہ ڈالنے والے اسٹیک ہولڈرز کے درمیان مضبوط روابط نا گزیر ہیں جس کیلئے با اختیار فوکل پرسنز کا تقرر کیاجائے ۔

(جاری ہے)

اپنے بیان میں انہو ں نے کہا کہ خوف کی فضاء اور تذبذب کی صورتحال کاروبار کے لئے نقصان دہ ہے ،اس کی وجہ سے مقامی سرمایہ کاری ایک سطح پر منجمد ہو چکی ہے ، جب تک حکومت اعتماد نہیں دے گی اس وقت تک بیرون ممالک سے سرمایہ کاری تو دور کی بات مقامی سرمایہ کاری بھی مارکیٹ میں نہیں آئے گی ۔ اشرف بھٹی نے کہا کہ دوہر ے ٹیکسز اور مہنگے یوٹیلٹی بلز کی وجہ سے چھوٹے تاجر کے لئے کاروبار کرنا مشکل ہوتا جارہا ہے ، ایسے میں بیورو کریسی کی بغیر مشاورت کے پالیسیوں سے حالات میں سدھار کی بجائے بیگاڑ پیدا ہو رہا ہے ۔ اشرف بھٹی نے کہا کہ مسلم لیگ (ن) کو کاروبار دوست سمجھا جاتا ہے اس لئے کاروباری برادری کے جو بھی تحفظات ہیں انہیں دو ر کیا جانا چاہئے۔