فیصل کریم کنڈی سے اے این پی وفد کی ملاقات، صوبہ میں سیاسی صورتحال ، امن و امان اوردیگر مسائل پرتبادلہ خیال کیا

منگل 22 جولائی 2025 22:11

پشاور(اُردو پوائنٹ اخبارتازہ ترین - آن لائن۔ 22 جولائی2025ء)گورنر خیبرپختونخوا فیصل کریم کنڈی سے عوامی نیشنل پارٹی کے صوبائی صدر میاں افتخار حسین کی قیادت میں وفد نے ملاقات کی۔وفد میں عوامی نیشنل پارٹی کے صوبائی جنرل سیکرٹری حسین شاہ یوسفزئی ، نائب صدر شاہی خان شیرانی ، نائب صدر صلاح الدین ، جوائنٹ سیکرٹری حامد طوفان ، کلچرل سرگرمیوں اکبر ہوتی ، یوتھ سیکریٹری ثنا گلزار ، سالار شاکراللہ شنواری شامل تھے۔

(جاری ہے)

پاکستان پیپلز پارٹی کے خیبرپختونخوا اسمبلی میں پارلیمانی لیڈر احمد کریم کنڈی ،صوبائی صدر محمد علی شاہ باچا ، جنرل سیکرٹری شجاع خان المعروف شازی خان ، ہلال احمر کے وائس چیئرمین فرزند علی وزیر ، ڈپٹی جنرل سیکریٹری ابرار سعید سواتی ، فضل حسین بھی اس موقع پر موجود تھے۔ملاقات میں صوبہ میں سیاسی صورتحال ، امن و امان اور دیگر مسائل پر تبادلہ خیال کیا گیا۔ وفد نے صوبائی حقوق کے حوالہ سے گورنر خیبرپختونخوا کے کردار کو سراہا۔