مقبوضہ کشمیر، بھارتی پولیس نے ایک اور کشمیری کی جائیداد ضبط کر لی

بی جے پی کی ہندوتوا حکومت نے کشمیریوں کو انکے گھروں اور زمینوں سے بے دخل کرنے کی مہم تیز کر دی

جمعہ 25 جولائی 2025 13:40

سرینگر(اُردو پوائنٹ اخبارتازہ ترین - این این آئی۔ 25 جولائی2025ء)غیر قانونی طورپر بھارت کے زیر قبضہ جموں وکشمیرمیں بھارتی پولیس نے ضلع بارہمولہ میں غیر قانونی سرگرمیوں کی روک تھام کے کالے قانون یو اے پی اے کے تحت ایک اورکشمیری نوجوان کی جائیداد ضبط کر لی ہے۔

(جاری ہے)

کشمیرمیڈیاسروس کے مطابق پولیس نے لیفٹیننٹ گورنر منوج سنہا کی زیر قیادت قابض انتظامیہ کے حکم پر ضلع کے علاقے ربن سوپور میں جاوید احمد ڈار کی تین کنال اور تین مرلہ اراضی اوررہائشی مکان ضبط کر لیا ہے۔

اگست 2019میں مقبوضہ کشمیر کی خصوصی حیثیت کی منسوخی کے بعد سے، بی جے پی کی ہندوتوا حکومت نے کشمیریوں کو انکے گھروں اور زمینوں سے بے دخل کرنے کی مہم تیز کر دی ہے۔ اس اقدام کامقصد مقبوضہ کشمیر کے مظلوم عوام کو ہراساں اور انہیں معاشی طور پر کمزور کرنا ہے۔رواں سال اب تک بی جے پی حکومت نے مظلوم کشمیریوں کی سو سے زائد جائیدادیں ضبط کی ہیں۔