Live Updates

عمران خان کے بیٹوں کا امریکا جانا اور وہاں ملاقاتیں ان کی فیملی کی ارینجمنٹ ہے

پی ٹی آئی نے ان کو نہیں کہا کہ وہ امریکا جائیں ،قاسم سلمان کا اپنے والد کی رہائی کیلئے لابنگ کرنا ان کا حق ہے، امید ہے حکومت انہیں پاکستان آنے کی بھی اجازت دے گی، رہنماء پی ٹی آئی علی محمد خان

ثنااللہ ناگرہ جمعہ 25 جولائی 2025 22:43

عمران خان کے بیٹوں کا امریکا جانا اور وہاں ملاقاتیں ان کی فیملی کی ارینجمنٹ ..

اسلام آباد ( اردوپوائنٹ اخبار تازہ ترین۔ آئی پی اے ۔25 جولائی 2025ء ) مرکزی رہنماء پی ٹی آئی علی محمد خان نے کہا ہے کہ عمران خان کے بیٹوں کی امریکا میں ملاقاتیں ان کی فیملی کی ارینجمنٹ ہے،پی ٹی آئی نے ان کو نہیں کہا کہ وہ امریکا جائیں ،قاسم سلمان کا اپنے والد کی رہائی کیلئے لابنگ کرنا ان کا حق ہے، امید ہے حکومت انہیں پاکستان آنے کی بھی اجازت دے گی۔

انہوں نے جیو نیوز کے پروگرام میں گفتگو کرتے ہوئے کہا کہ فلسطین میں اسرائیل کے ظلم کیخلاف ہم سب یک جاں ہیں، ہم سب کو بات کرنی چاہیئے۔ وزیراعظم سمیت سب کو اپنا کردار ادا کرنا چاہیئے۔

علی محمد خان نے کہا کہ عمران خان کے بیٹوں کا امریکا جانا ان کی فیملی ارینجمنٹ ہے، پی ٹی آئی نے ان کو نہیں کہا کہ وہ امریکا جائیں ۔

(جاری ہے)

اپنے والد کی رہائی کیلئے لابنگ کرنا اور کردارادا کرنا ان کا حق ہے۔

وہ پاکستان بھی آئیں گے اور حکومت ان کو پاکستان آنے کی اجازت دے گی۔ پی ٹی آئی کا ایبسولوٹلی کا اصولی مئوقف اپنی جگہ موجود ہے کہ کسی بیرونی ملک کو پاکستان کے معاملات میں مداخلت نہیں کرنے دیں گے، عمران خان نے اپنی حکومت قربان کی ہے۔ امریکا ہمارا دشمن نہیں ہے، ہمارا اصولی مئوقف ہے کہ دوستی کا تعلق رکھیں گے۔ اگر امریکا اتنا ہی غلط ملک ہے تو پھر پھر ہمارے وزیراعظم نے ٹرمپ کو کیوں نوبل انعام کیلئے نامزد کرنے کی بات کی۔

ہم سمجھتے ہیں کہ پاکستان کو موجودہ فسطائیت سے آزاد ہونا چاہئے۔ انہوں نے کہا کہ عمران خان کا ٹرمپ کی جیت کے موقعے پرخود کہنا ہے کہ ٹرمپ انتظامیہ پی ٹی آئی سے متعلق بائیڈن انتظامیہ کے برعکس نیوٹرل رہے گی۔ آج بھی اصولی مئوقف وہی ہے کہ پاکستان کے معاملات میں بیرونی مداخلت نہیں ہونی چاہیے۔