ولائی 1948 پاکستان کی عسکری تاریخ کا وہ دن ہے ،کیپٹن راجہ محمد سرور شہید نے اڑی سیکٹر میں غیر معمولی جرات کا مظاہرہ کیا، وزیر داخلہ

اتوار 27 جولائی 2025 17:50

اسلام آباد(اُردو پوائنٹ اخبارتازہ ترین - این این آئی۔ 27 جولائی2025ء)وفاقی وزیر داخلہ محسن نقوی نے کہا ہے کہ 27 جولائی 1948 پاکستان کی عسکری تاریخ کا وہ دن ہے جب دفاع وطن کی راہ میں پہلا نشان حیدر امر ہوا،کیپٹن راجہ محمد سرور شہید نے اڑی سیکٹر میں غیر معمولی جرات کا مظاہرہ کیا، خاردار باڑوں اور گولہ باری کے باوجود کیپٹن راجہ سرور شہید نے پیش قدمی جاری رکھی اور دشمن کے مضبوط مورچوں کو بہادری سے فتح کیا،کیپٹن راجہ محمد سرور کے یوم شہادت کے موقع پر اپنے پیغام میں محسن نقوی نے کہا کہ شدید زخمی ہونے کے باوجود کیپٹن راجہ سرور شہید نے آخری دم تک دشمن کا بھرپور مقابلہ کیان اور دفاع وطن کا حق ادا کیا۔

انہوں نے اس بات پر زور دیا کہ کیپٹن سرور شہید نے میدان جنگ میں بہادری، شجاعت اور جرات کی روشن مثال قائم کی، ملک و ملت سے غیر متزلزل وفاداری اور جذبہ شہادت سے سرشار کیپٹن راجہ سرور شہید نے عسکری اقدار کو نئی بلندی عطا کی۔

(جاری ہے)

وزیر داخلہ نے واضح کیا کہ افواج پاکستان کے جری سپوتنآج بھی کیپٹن راجہ سرور شہید کے نقش قدم پرن عمل پیرا ہیں۔ انہوں نے کہا کہ مادر وطن کے دفاع میں شہداء کی قربانیاں ایک زندہ عہد ہیں، کیپٹن راجہ محمد سرور کے یوم شہادت پر پوری قوم ان کی لازوال قربانی کو سلام پیش کرتی ہے اور دفاع وطن کے عہد کی تجدید کرتی ہے۔