اپنی چھت،اپنا گھر سکیم کے تحت صرف لاہور میں ہی 6ہزار کے قریب گھر زیر تعمیر ہیں، بلال یاسین

اتوار 27 جولائی 2025 21:40

لاہور (اُردو پوائنٹ اخبارتازہ ترین - اے پی پی۔ 27 جولائی2025ء) وزیر ہاؤسنگ پنجاب بلال یاسین نے ٹھوکر نیاز بیگ لاہور کے علاقے میں بلاسود قرضوں سے بننے والے گھروں کا دورہ کیا۔ صوبائی وزیرنے معذور شخص کے گھر جا کر نئے گھر میں آباد ہونے پر مبارکباد دی، معذور شخص کی بیٹی کے سر پر دست شفقت رکھا اور دعائیں دیں۔اس موقع پر ڈی جی پھاٹا سکندر ذیشان اور الائیڈ محکموں کے افسران بھی موجود تھے۔

(جاری ہے)

بلال یاسین کا کہنا تھا کہ مزدور، ریڑھی بان،دکاندار اور دیہاڑی دار 15لاکھ بلاسود قرضوں سے اپنے گھر بنارہے ہیں،لاہور ڈویژن میں ساڑھے سات ہزار سے زائد خاندانوں کو بلاسودمیرٹ پر قرض دیا جاچکا ہے، اپنی چھت،اپنا گھر سکیم کے تحت صرف لاہور میں ہی 6ہزار کے قریب گھر زیر تعمیر ہیں،پاکستان کی تاریخ میں پہلی بار اتنے گھروں کی تعمیر کا منصوبہ کامیابی سے جاری ہے، جلد وزیر اعلیٰ مریم نواز، پنجاب کے باسیوں کو مزید سہولیات کی فراہمی کا اعلان کریں گی۔