پاکستان کی چین کو مچھلی کی خواراک کی برآمدات میں 27 فیصد اضافہ،23.75 ملین ڈالر پر پہنچ گئی

جمعہ 1 اگست 2025 14:59

بیجنگ (اُردو پوائنٹ اخبارتازہ ترین - این این آئی۔ 01 اگست2025ء) پاکستان کی چین کو جانوروں کی خوراک میں استعمال ہونے والے آٹے اور مچھلی کی خوراک کی برآمدات میں رواں سال کی پہلی ششماہی کے دوران 27 فیصد اضافہ ہو گیا، جو چینی مارکیٹ میں بڑھتی ہوئی طلب اور مسابقت کی نشاندہی ہے۔ گوادر پرو کے مطابق چین کی جنرل ایڈمنسٹریشن آف کسٹمز (GACC) کے سرکاری اعداد و شمار میں طتایا گیا ہے کہ پاکستان نے جنوری سے جون 2025 تک چین کو 25.13 ملین کلوگرام فش فلو اور خوارک برآمد کی جن کی قیمت 23.75 ملین ڈالر تھی۔

یہ گزشتہ سال کی اسی مدت کے مقابلے میں نمایاں اضافہ ہے، جب برآمدات کی قیمت 18.70 ملین ڈالر تھی۔? گوادر پرو کے مطابق صنعت کے ماہر اویس میر نے چائنا اکنامک نیٹ کو بتایا کہ اس اضافہ کی ایک بڑی وجہ پاکستان کی مسابقتی قیمتیں ہیں۔

(جاری ہے)

اس سال، پاکستان کی جانب سے اوسط برآمدی قیمت صرف 0.95 ڈالر فی کلوگرام تھی، جو چینی درآمد کنندگان کے لیے کم لاگت والے جانوروں کی خوراک کے حل تلاش کرنے والوں کے لیے کشش کا باعث بنی۔

گوادر پرو کے مطابق انہوں نے مزید کہا کہ موصولہ اعداد و شمار کے مطابق، ڈنمارک اس مدت میں سب سے مہنگے سپلائرز میں شامل رہا، جو فش فلور اوسطاً 1.88 ڈالر فی کلوگرام کی قیمت پر چین کو فراہم کر رہا تھا۔ ڈنمارک کی کل برآمدات اس دوران 2.89 ملین ڈالر تک پہنچ گئیں۔ گوادر پرو کے مطابق انہوں نے کہا، "چین میں پروٹین سے بھرپور جانوروں کی خوراک کی بڑھتی ہوئی طلب کے پیش نظر، پاکستان کے فش میل سیکٹر کے لئے توقع ہے کہ یہ رفتار برقرار رکھے گا، جسے اس کی اسٹریٹجک جغرافیائی پوزیشن، مسابقتی قیمتوں اور مضبوط ہوتی دو طرفہ تجارتی تعلقات کی حمایت حاصل ہے۔

گوادر پرو کے مطابق صنعتی ماہرین کا کہنا ہے کہ پاکستان کی چین کو فش میل برآمدات میں مستقل اضافہ بیلٹ اینڈ روڈ انیشیٹو (BRI) کے تحت زرعی اور سمندری تعاون کے مضبوط ہونے کی علامت ہے۔ یہ معیار کے معیارات اور پائیدار ذرائع کی بہتری کے ساتھ مزید تجارتی نمو کے امکانات کا بھی اشارہ ہے۔